શું ચાલી રહ્યુ છે દેશમાં? સુરતમાં સાવકા પિતાએ દીકરી સાથે આચર્યું દુષ્કર્મ

સુરતમાં દિન પ્રતિદિન બાળકીઓ સાથે દુષ્કર્મ ની ઘટનાઓમાં સતત વધારો થતો હોય તેવું લાગી રહ્યું છે.છેલ્લા 15 દિવસ માં 3 દુષ્કર્મ ની ઘટનાઓ સામે આવી છે. ત્યારે માન દરવાજા વિસ્તારમાં ફરી એક વાર સાવકા બાપે જ 11 વર્ષીય પુત્રી પર દુષ્કર્મ ગુજારતા ચકચાર મચી જવા પામી હતી.

આ સમગ્ર ઘટના વિષેની માહિતી આપતા એસીપી પી.એલ.ચૌધરીએ જણાવ્યું હતું કે, સુરતના માન દરવાજા વિસ્તારમાં રહેતી મહિલાએ અજય સિરસાટ સાથે બીજા લગ્ન કર્યા હતા. મહિલાને અગાઉના પતિ થકી સંતાન માં 11 વર્ષ ની દીકરી અને એક પુત્ર છે. ગતરોજ મહિલા કામ અર્થે બહારગામ ગઈ હતી. તેણી નો પતિ અને પુત્ર ઘરમાં એકલા જ હતા. દરમિયાન પિતા ની નજર તેની જ પુત્રી પર બગડી હતી. નરાધમ પિતા એ તેની 11 વર્ષની માસુમ દીકરીને પીખી નાખી હતી. આ ઘટના નજરે જોનાર તેના નાના દીકરાએ સમગ્ર હકીકત તેની માતા ને કહી હતી.