April 25, 2024
ઈન્દોર (Indore)માં મોડી રાત્રે સાઈકલ(Bicycle) પર ઝોમેટો(Zomato) ડિલિવરી બોય (Delivery Boy)ને ફૂડ ડિલિવરી(Food delivery) કરતા જોઈને ટીઆઈ (TI)નું હૃદય દ્રવી ઉઠ્યું હતું. પોલીસ સ્ટેશનના સ્ટાફ સાથે મળીને તેઓએ એક દિવસનો પગાર ભેગો કર્યો. આ પૈસાથી ટીઆઈએ ડિલિવરી બોયને એક નવી બાઇક(Bike) ભેટમાં આપી. ડિલિવરી બોય એટલો ખુશ હતો કે બાઇક ડિલિવરી કર્યા પછી તે રાત્રે પોલીસ સ્ટેશન પહોંચ્યો. તેણે જણાવ્યું કે પહેલા દિવસે તેણે હજાર રૂપિયા કામાણો…
વિજય નગર ટીઆઈ તહઝીબ કાઝીએ જણાવ્યું કે, તેઓ થોડા દિવસો પહેલા પેટ્રોલિંગમાં હતા. ત્યારે તેણે સાઈકલ સાથે ફૂડ ડિલિવરી બોયને જોયો. તે ઉતાવળમાં હતો. કાઝીએ તેને રોક્યો. ડિલિવરી બોયએ કહ્યું કે તેને ફૂડ પહોંચાડવાનું છે. કાઝીએ વિચારી લીધું હતું કે, તે તેની મુશ્કેલીઓ દૂર કરશે. પોલીસ સ્ટેશનના સ્ટાફની મદદથી તેણે એક દિવસનો પગાર ભેગો કર્યો. 32 હજાર રૂપિયા ડાઉન પેમેન્ટ જમા કરાવ્યા બાદ ડિલિવરી બોયને નવી બાઇક મળી હતી.
Trending News
રોજીંદા ખર્ચાઓ પણ પહોંચી શકતા નથી:
ટીઆઈ કાઝીએ જણાવ્યું હતું કે, તેને ઘણી વખત સાયકલ દ્વારા મોડા ફૂડ ડિલિવરી કરવા બદલ ગ્રાહકોનો ઠપકો સાંભળવો પડતો હતો. ઘરમાં માતા અને નાનો ભાઈ છે. સાઇકલ દ્વારા ડિલિવરી કરવાથી રોજના માત્ર 300-400 રૂપિયા કમાય છે. જેના કારણે ઘરનો ખર્ચો થઈ શકતો નથી. પિતા 2 વર્ષથી નાસિક કામ કરવા ગયા છે. જય 10મા ધોરણ સુધી ભણ્યો છે. અકસ્માતમાં તેનો હાથ તૂટી ગયા બાદ તેણે શાળાએ જવાનું બંધ કરી દીધું હતું. નબળી આર્થિક સ્થિતિને કારણે તે આગળ ભણી શક્યો નહીં. તે હવે તેના નાના ભાઈને ભણાવી રહ્યો છે. જે પાંચમા ધોરણમાં છે.
પોલીસ સ્ટેશનમાંથી ફોન આવતાં હું ડરી ગયો:
જયએ કહ્યું, રવિવારે બપોરે તેને વિજય નગર પોલીસ સ્ટેશનમાંથી ફોન આવ્યો. પોલીસ સ્ટેશન બોલાવતા તે ડરી ગયો હતો. માતાએ કહ્યું કે તેણે કંઈ ખોટું કર્યું નથી. જય હિંમત ભેગી કરીને પોલીસ સ્ટેશન પહોંચ્યો અને ડરીને પોલીસ સ્ટેશનની બહાર સાયકલ પાર્ક કરી. ત્યારે ટીઆઈએ તેને કહ્યું કે તને નવી બાઇક લઇ આપું. શું તમે હપ્તો જમા કરાવી શકશો? જય એ પણ પોતાની ઇમાનદારી બતાવી. તેણે પોલીસને કહ્યું કે તમે લોકો બસ ડાઉન પેમેન્ટ કરો. બાકીના પૈસા હું જાતે કમાઈને ચૂકવીશ. પોલીસકર્મીઓએ પણ એવું જ કર્યું. જયએ કહ્યું કે હવે હું સાયકલ કરતાં વધુ ડિલિવરી કરી શકું છું, તેથી આગામી હપ્તો હું જાતે જ જમા કરાવીશ.
પહેલા જ દિવસે એક હજાર રૂપિયા કમાયો:
જયને નવી બાઇક મળ્યા પછી તે સીધો ફૂડ ડિલિવરી કરવા ગયો. મોડી રાત્રે ડિલિવરી પૂરી થયા પછી, તે ફરીથી પોલીસ સ્ટેશન પહોંચ્યો અને ટીઆઈને કહ્યું કે તેણે સાંજે 5 વાગ્યાથી 12 વાગ્યા સુધી 1 હજાર રૂપિયા કમાયા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
