વિશ્વ જનસંખ્યા દિવસ: અહી જાણો દુનિયા ની વસ્તીની ગણતરી કઈ રીતે થાય છે

વિશ્વ જનસંખ્યા દિન એ એક વાર્ષિક ઉજવણી છે, જે દર વર્ષે જુલાઇ ૧૧નાં મનાવાય છે, આ ઉજવણી વિશ્વમાં વસ્તીવધારાની સમસ્યા પ્રત્યે લોકજાગૃતી આવે તે માટે કરાય છે. આ ઉજવણીની શરૂઆત સંયુક્ત રાષ્ટ્રસંઘનાં ‘સંયુક્તરાષ્ટ્ર વિકાસ કાર્યક્રમ’ ની સંચાલન પરિષદ દ્વારા ૧૯૮૯માં કરવામાં આવેલ. લગભગ જુલાઇ ૧૧ ૧૯૮૭નાં દિવસે વિશ્વની જનસંખ્યા ૫ અબજને પાર કરી ગયેલ, જે દિવસ ‘પાંચ અબજ દિન’ તરીકે ઓળખાવાયો, અને આ દિવસથી પ્રેરીત થઇ જનહીતમાં આ ઉજવણી કરાય છે.

જુલાઇ ૧૧, ૨૦૦૭ માં, ‘પાંચ અબજ દિન’ની ૨૦મી વર્ષગાંઠે, વિશ્વની વસ્તી ૬,૭૨૭,૫૫૧,૨૬૩ લગભગ પહોંચેલ. 1000 વર્ષ પહેલા આખા વિશ્વની જનસંખ્યા 40 કરોડ હતી. વર્ષ 1804માં પહેલી વાર વિશ્વની વસતી 1 અબજ થઈ હતી અને 1960માં વિશ્વની જનસંખ્યા 3 અબજ થઈ ગઈ હતી. 1960થી લઈને 2000 સુધીમાં એટલે કે 40 વર્ષમાં વિશ્વની જનસંખ્યા બમણી એટલે કે 6 અબજ થઈ હતી. જુલાઈ 2017ના આંકડા પ્રમાણે, વિશ્વની અત્યારની વસ્તી 7.5 અબજ છે.