દુનિયાનો સૌથી પહેલો 108MP કેમેરા ધરાવતો ‘Mi નોટ 10’ સ્માર્ટફોન ભારતમાં થશે લોન્ચ: જાણો કિંમત અને ફીચર્સ

દુનિયાનો સૌ પ્રથમ 108MP રિઅર કેમેરાવાળો શોઓમીનો સ્માર્ટફોન ‘Mi નોટ 10’ યુરોપમાં લોન્ચ થયા બાદ જાન્યુઆરી 2020માં ભારતમાં લોન્ચ થશે. ચાઈનીઝ ટેક વેબસાઈટ ગિઝમોચાઈનાના એક રિપોર્ટમાં આ વાત સામે આવી છે. જાણવામાં આવ્યું છે કે આ ફોન લોન્ચ થતાની સાથે દરેક મોબાઈલનું માર્કેટ તોડી નાખશે.

ડબલ નેનો સિમ કાર્ડ સપોર્ટવાળા ફોનમાં 6.47 ઇંચની ફુલ HD + OLED ડિસ્પ્લે હશે. સાથે-સાથે ફોનમાં MIUI 11 બેઝ્ડ એન્ડ્રોઇડ 9 પાઈ ઓપરેટિંગ સિસ્ટમ પણ જોવા મળશે. ફોનમાં ઓક્ટાકોર કવૉલકોમ સ્નેપડ્રેગન 730g પ્રોસેસર ઈન બિલ્ટ હશે. ફોનમાં 6GB ની રેમ અને 128GBનું સ્ટોરેજ આપવામાં આવશે.

પહેલીવાર ચીનમાં આ મોબાઈલ ફોનનું વેચાણ 11 નવેમ્બરથી ચાલુ કરી દેવામાં આવ્યું છે. ફોનનાં ડાર્ક નાઈટ ફેન્ટમ, આઈસ એન્ડ સ્નો અરોરા અને મેજિક ગ્રીન કલર વેરિઅન્ટ ચીનમાં લોન્ચ થયા છે. જોકે ભારતમાં તેને કઈ કિંમત સાથે અને કયા વેરિઅન્ટ લોન્ચ કરવામાં આવશે તેની કોઈ ચોક્કસ માહિતી કંપની દ્વારા જાહેર કરવામાં આવી નથી.