શું સુરતીઓના પૈસે લીલા લહેર કરી રહ્યા છે મેયર હેમાલી બોઘાવાલા? કરોડોના બંગલાનાં વીજબિલનો આંકડો જાણી ચોંકી ઉઠશો

હાલમાં સુરત શહેરમાથી એક એવા સમાચાર સામે આવ્યા છે કે, જેને જાણીને આપણે ખુબ આશ્વર્ય થશે. સુરત મેયરનો આ બંગલો જોઈએ અંજાઈ ન જતા, સુરતના મેયર હેમાલી બોઘાવાલા મસ્ત મહેલ બાંધીને મ્હાલી રહ્યા છે. કોરોનાની બીજી લહેરમાં સુરતમાં કેટલાય લોકો આર્થિક મુશ્કેલીમાં મુકાઈ ગયા છે તેમજ ઉદ્યોગ ધંધા પર અસર થતા પરિવારો હાલકી ભોગવી રહ્યા છે ત્યારે મેડમને કામનું ભારણ તથા તેનો તણાવ ઓછો થાય તે માટે મેડિટેશન રૂમ બનાવવામાં આવ્યો છે.

મેયરના મહેલ સામે મંત્રીઓના બંગલા ઝાંખા પડે:
આ બંગલામાં કુલ 6 બેડરૂમ આવેલા છે તેમજ પ્રાઈવેટ ઝોનમાં લિવિંગ રૂમ તથા ફોર્મલ ડાઈનિંગ રૂમ પણ બનાવવામાં આવ્યા છે. આટલું જ નહીં મેયરના 5 કરોડથી વધુની કિંમતના બંગલાનું વીજબિલ પણ 51,000થી વધારે આવ્યું છે. જો કે, મેયર હેમાલી બોઘાવાલા બંગલામાં રહેવા ગયા પછી બિલમાં 4 ગણો વધારો થયો છે.

પ્રજાના પૈસા આમ વેડફવા કેટલા યોગ્ય ?
આ મહેલમાં અભેદ્ય સુરક્ષા માટે અદ્યતન નાઈટ વિઝન કેમેરા પણ લગાવી દેવામાં આવ્યા છે. મેયરના રહેવા ગયા પછી 3 જુલાઇએ સૌપ્રથમ બિલ પણ આવ્યું છે. આ ઇલેકટ્રીક બિલ 51,890 રૂપિયા આવ્યું છે. હજી ગેસ બિલ સહિતના યુટિલિટી બિલ હવે આવવાની શરૂઆત થશે. જયારે ગેસ કનેક્શન માટે ગત તારીખ 23 જૂને રૂપિયા 9,394 તેમજ તારીખ 2 જૂને 5,854 રૂપિયા ભરવામાં આવ્યાં છે.

મંત્રી નિવાસ કરતા પણ વધુ સુવિધા:
એક બાજુ મનપાની તિજોરી ખાલી થઇ રહી છે તો બીજી બાજુ સુરતમાં 5 કરોડનો બંગલો તૈયાર થઇ ગયો છે. મેયરના આ બંગલાના ઇન્ટીરીયર ડેકોરેશન પાછળ 1.25 કરોડ રૂપિયા ખર્ચાયા હોવાનું જાણવા મળી રહ્યું છે ત્યારે મનપાની કામગીરી સામે અનેક પ્રશ્નો ઉઠી રહ્યા છે.