સુરત ભાજપના ગઢમાં મોટું ગાબડું: ભરવાડ સમાજના યુવા અગ્રણી AAPમાં જોડાયા

સુરત મહાનગર પાલિકાની ચુંટણીમાં 27 સીટ પર આમ આદમી પાર્ટી વિજેતા બની હતી. ત્યારે હવે સુરત શહેરમાં ભાજપને ખુબ જ મોટા ઝટકા લાગી રહ્યા છે. ઘણા ભાજપના કાર્યકર્તાઓ અને ભાજપના નેતાઓ આમ આદમી પાર્ટીની કાર્યશૈલીથી પ્રભાવિત થઈને આપમાં જોડાઈ રહ્યા છે.

ત્યારે હવે કામરેજના વી.ડી. ઝાલાવાડીયા ના ગઢમા મોટું ગાબડું પડ્યું છે. ભાજપથી નારાજ એવા ભરવાડ સમાજ ના યુવા અગ્રણી અને ભાજપ યુવા મોરચા ના કાર્યકર રઘુભાઈ ગલાણી તેમના ગ્રુપ સાથે આમ આદમી પાર્ટીમા જોડાયા છે.

દિલ્હીના ધારાસભ્ય અને ગુજરાત પ્રભારી શ્રી ગુલાબસિહજી યાદવ અને સુરત શહેર યુવા પ્રમુખ પંકજ ધામેલિયા અને અજયભાઈ દૂધાત ની અધ્યક્ષતા હેઠળ આમ આદમી પાર્ટીમા જોડાયા. સુરતમાં ભારતીય જનતા પાર્ટીને ખૂબ જ મોટો ઝટકો લાગ્યો છે.

અગાઉ પણ આમ આદમી પાર્ટી દ્વારા તારવાડી વિસ્તારમાં યોજાયેલા કાર્યક્રમમાં ભારતીય જનતા પાર્ટી સાથે વર્ષોથી જોડાયેલા અનેક કાર્યકર્તાઓ આમ આદમી પાર્ટીમાં જોડાયા હતા. અડાજણ અને રાંદેર વિસ્તારમાંથી 400થી વધુ ભાજપના કાર્યકર્તાઓ આમ આદમી પાર્ટીમાં જોડાયા હતા.