4 વર્ષના પ્રેમસંબંધનો આવ્યો કરુણ અંત: રાજકોટની યુવતીએ મંગળસૂત્ર પહેરી પ્રેમી સાથે ઝેરી દવા પી ને કર્યો આપઘાત

આપઘાતની ઘટનાઓમાં સતત વધારો થઈ રહ્યો છે ત્યારે હાલમાં આવી જ એક ઘટનાને લઈ સમાચાર સામે આવ્યા છે. મુળી તાલુકામાં આવેલ વીરપર ગામની સીમમાં રાયસંગપરના પરણીત યુવાન તથા કારિયાણીની અપરિણીત યુવતીએ ઝેરી દવા પીને આપઘાત કરી લીધો હતો. બંને રાજકોટમાં રહેતાં હતાં ત્યારે 4 વર્ષ અગાઉ પ્રેમ સંબંધ થયો હતો પણ એક ન બની શકતાં સીમમાં આવીને પહેલા યુવતીને સેથો પૂરીને મંગળસૂત્ર પહેરાવ્યા પછી બંનેએ ઝેરી દવા પી જીવનનો અંત લાવી લીધો હતો.

જીવનમાં કેટલાંક લોકો એવા હોય છે કે, જેમને કોઇની સાથે પ્રેમ સંબંધ થયા પછી તેમને પોતાના પ્રિય પાત્રની સાથે લગ્ન કરીને જીવન જીવવાની તક મળતી હોય છે પણ કેટલાંક લોકો એવા પણ હોય છે કે, તેમને પ્રેમ તો થઇ જાય છે પરંતુ સમાજ અથવા તો પરિવારના ભય કે પછી બીજા કોઇ કારણસર એક બનીને જીવન જીવી શકતા નથી.

રાયસંગપરના પરિણીત યુવાન હરેશ ઝાલા તથા કારીયાણીની અપરણીત યુવતી દક્ષાના પ્રેમ સંબંધનો કરુણ અંજામ આવ્યો છે. હરેશ ઝાલાના લગ્ન લગભગ 4 વર્ષ અગાઉ શેખપરમાં રહેતા મીનાબેનની સાથે થયા હતા. બંનેના લગ્ન જીવનમાં દિકરીનો જન્મ થયો હતો. હાલમાં 2 વર્ષની છે.

હરેશ કેટલાંક સમયથી રાજકોટમાં રહીને ફેકટરીમાં કામ કરતો હતો. ત્યા દક્ષા તથા હરેશ બંને એક વિસ્તારમાં રહેતા હતા. સાથે રહેવાથી બંનેની આંખ મળી ગઇ હતી તેમજ ગાઢ પ્રેમ સબંધ થયો હતો. એકબીજાની સાથે જીવવુને સાથે મરવા જેવો પ્રેમ હોવાં છતા બંને સાથે રહી શકતા ન હતા.