વડોદરાની ગુજ્જુ અભિનેત્રીએ હનીટ્રેપ આચરી યુવક પાસેથી પડાવ્યા લાખો રૂપિયા, જુઓ કેવી રીતે ખુલી પોલ

આજકાલ છેતરપીંડી (Fraud)ના કિસ્સાઓ ખુબ જ વધતા જાય છે. ત્યારે હાલમાં તો એક અભિનેત્રી(Actress) દ્વારા છેતરપિંડીનો કેસ સામે આવ્યો છે. મળતી માહિતી અનુસાર, ગુજરાતી આલ્બમની અભિનેત્રી (Gujarati album actress)એ લગ્ન (Marriage)ની લાલચ આપી ધનસુરાના યુવક પાસેથી 8 લાખથી પણ વધુ રૂપિયા પડાવી લીધા છે. આ અંગે ધનસુરા પોલીસ સ્ટેશન (Dhansura Police Station)માં ફરિયાદ નોંધાતા ખળભળાટ મચી ગયો છે.

સોશિયલ મીડિયામાં વાતો કરતા હતા:
જાણવા મળ્યું છે કે, પીડિત યુવક જીનેશકુમાર વાડીલાલ પટેલ મૂળ બોટાદનો રહેવાસી છે. તે આનંદધામ રેસીડેન્સી પચવણીકાટામાં રહે છે. તેની સાથે થયેલ છેતરપીંડી અંગે આ યુવકે ધનસુરા પોલીસ સ્ટેશનમાં ફરિયાદ નોંધાવી હતી. આ ફરિયાદમાં તેણે જણાવ્યું હતું કે, ‘9 માસ અગાઉ મારી ગુજરાતી અભિનેત્રી યશ્વી દિનેશભાઇ પટેલ નામની છોકરી સાથે ઇન્સ્ટાગ્રામ ઉપર મિત્રતા થતાં અમે બંને સોશિયલ મીડિયામાં વાતો કરતા હતા.

યશ્વી પટેલે તા.30-07-2021ના રોજ યશ્વીનો બર્થ ડે હતો. તેથી મને વડોદરા મળવા માટે બોલાવતા હું યશ્વીને મળવા હોટલમાં ગયો હતો, આ દરમિયાન યશ્વીની બહેન અને તેના પરિવાર સાથે મારી મુલાકાત કરાવી હતી. તે વખતે યશ્વીના પિતાએ જણાવ્યું કે યશ્વી માટે અમે લગ્ન વાંચ્છુક છોકરો શોધીએ છીએ એવી વાતમાં મને વિશ્વાસમાં લઇ મારી દીકરી અને બધાને તમે ગમ્યા છો કહ્યું હતું. આપણે એક સમાજના છીએ અને હમણાં મારી દીકરીના આલ્બમનું કામ ચાલુ છે તે પુરુ થઇ જાય પછી લગ્નની તારીખ નક્કી કરીએ. આ રીતે યુવકને ફસાવવામાં આવ્યો હતો.

મહિના બાદ મને મળવા ઘરે બોલાવ્યો:
આ પછી યશ્વીએ મારી સાથે વારંવાર સોશિયલ મિડીયામાં અને કોલથી વાતો ચાલુ રાખી હતી. મહિના બાદ મને મળવા માટે તેના ઘરે બોલાવ્યો હતો. આ દરમિયાન પરિવારે યશ્વીને ગીફ્ટ આપવાના બહાને મારી પાસે આઇફોન મોબાઇલ માગતા મેં 55000નો ફોન યશ્વીને લઇ આપ્યો હતો. ત્યારબાદ તેને સોનાની બુટ્ટી ગમી ગઇ હતી જેથી બોટાદમાં 46000ની બુટ્ટી બનાવી યશ્વીને આપી હતી. બાદમાં બુટ્ટી ખોવાયાનું જણાવી મારી પાસેથી નવી બુટ્ટીની માંગણી કરતા કે વડોદરાથી રૂ.7000ની બુટ્ટી લઇ આપી હતી.