મુસ્લિમ છોકરીને ગાડી પર બેસાડીને લઇ જવું હિંદુ યુવકને ભારે પડ્યું, ભરબજારે જ માર માર્યો

બિહાર (Bihar)ની રાજધાની પટના (Patna)માં એક યુવકને તેની મુસ્લિમ કલાસમેટ (Hindu Muslim Friends) ને બાઇક પર બેસાડવી મોંધુ પડી ગયુ. કેટલાક લોકોએ યુવકને રોક્યો અને ખુબજ માર માર્યો હોવાની ઘટના પ્રકાશમાં આવી છે. માર મારનાર યુવકોએ કહ્યું કે, તમે હિન્દુ હોવા છતાય મુસ્લિમ યુવતીને તેની બાઈક પર ફેરવે છે. યુવકો દ્વારા માર મારવાનો એક વીડિયો વાયરલ થયો હતો. આ મામલો પટનાના પીરબહોર પોલીસ સ્ટેશન વિસ્તારના પટના બજારનો છે.

સાગર કુમાર મિશ્રા નામનો યુવક તેની મુસ્લિમ ક્લાસમેટ સાથે બાઇક પર ક્યાંક જઈ રહ્યો હતો. તે દરમિયાન પહેલેથીજ વાત જોઇને ઉભેલા કેટલાક યુવકે તે બંનેને પટના માર્કેટ પાસે રોક્યા અને માર મારવાનો વીડિયો પણ બનાવ્યો હતો. બંનેને રોક્યા બાદ ઘણા મુસ્લિમ યુવકોએ પહેલા યુવતીને સાઇડમાં મોકલી અને ત્યાર બાદ સાગર કુમાર મિશ્રાને મારવાનું શરૂ કર્યું.

માર મારનાર યુવક કહેવા લાગ્યો કે હિંદુ હોવા છતાય મુસ્લિમ યુવતીને બાઇક પર બેસાડે છે. જ્યારે મુસ્લિમ યુવતીએ મારપીટનો વિરોધ કર્યો અને ના પાડી ત્યારે બાકીના યુવકોએ તેને ઘરે જવાનું કહ્યું અને પછી સાગર મિશ્રાને આડેધડ માર મારવા લાગ્યા. આ સમગ્ર ઘટનાનો વીડિયો વાયરલ થયો હતો. આ મામલામાં પટના પોલીસનું કહેવું છે કે પીડિતા આવીને પોલીસ સ્ટેશનમાં કેસ નોંધાવી શકે છે.

પટના પોલીસે કહ્યું કે મામલો તપાસ હેઠળ છે, તપાસ કરવામાં આવી રહી છે. પીડિતા પોલીસ સ્ટેશનમાં તેની ફરિયાદ નોંધાવી શકે છે. પટના પોલીસ વીડિયોમાં મારપીટ કરવામાં આવેલા યુવકોના ચહેરા અને તેમના વાહનનો નંબર પરથી યુવકોની ઓળખ થઇ ચુકી છે, પરંતુ વીડિયોના આધારે કાર્યવાહી કરવાને બદલે પોલીસ પીડિત પક્ષને કહી રહી છે કે તેઓ તેમની ફરિયાદ નોંધાવે તો કાર્યવાહી થશે.