સુરતમાં નબીરાઓને નથી રહ્યો પોલીસનો ડર- કોરોના મહામારીના સમયમાં પણ બ્રિજ પર બર્થ ડે ઉજવતા યુવાનોનો વીડિયો વાઇરલ

સુરતમાંથી સતત જાહેરમાં બર્થ ડે મનાવતા વિડીયો વાઈરલ થતા રહે છે. ત્યારે આજે ફરી એક વખત યુવાનોનો વધુ એક વીડિયો વાઇરલ થઇ રહ્યો છે. સુરતના જીલાની બ્રિજ ઉપર રાહદારીઓની અવર જવર વચ્ચે જન્મ દિવસની ઉજવણી કરી યુવાનોએ કોવિડ ગાઈડલાઈનના નિયમોના જાહેરમાં ઉલ્ઘન કરું છે. એટલું જ નહીં પણ આ વીડિયોમાં યુવાનો બ્રિજ ઉપર ડાન્સ કરી એક બીજા ઉપર કેક લગાડતા હોવાનું પણ સ્પષ્ટ દેખાય છે. તો બીજી બાજુ એમની ફિલ્મ બની રહી છે તેની તેમને જરા પણ ખ્યાલ ન હતો.

જન્મ દિવસની ઉજવણીની જાહેરમાં કરવાના કિસ્સા દિનપ્રતિદિન વધી રહ્યા છે. પહેલા અસામાજિક તત્વોથી લઈ વેપારીઓ અને કેટલાક રાજકીય કાર્યકર્તાઓ પણ જન્મ દિવસની ઉજવણી કરતા નજરે ચડીયા હતા. ત્યારે હવે જીલાની બ્રિજ પર કેટલાક યુવાનોએ બર્થ ડે ઉજવણી કરી પોલીસ અને સરકારને ચુનોતી આપી છે. બ્રિજ પર રોડની એક બાજુએ બર્થ ડે સેલિબ્રેશન થઈ રહ્યું હતું તો બીજી બાજુ એક જાગૃત નાગરિક જન્મ દિવસની ઉજવણીનો વીડિયો બનાવી પોલીસને જગાડવા મોકલી આપ્યો હતો. આ તમામ યુવાનોની ઓળખ આપવું હવે પોલીસ માટે જરૂરી બની ગયું છે.

હવે કોરોના છે જ નહિ તેમ હાથમાં ફમ સ્પ્રે, બોટલ અને મનમાં ઉત્સાહનો નવો સીનારો જોઈ, લોકો જન્મ દિવસની સાથે સાથે હવે બજારોમાં પણ સોશિયલ ડિસ્ટન્સના નિયમો નું ઉલ્ઘન કરી રહ્યા છે. પછી એ શાકભાજી માર્કેટ હોય કે કાપડ માર્કેટ, રેસ્ટોરન્ટ, પછી ખાવા પીવાની લારી, આવી અનેક જગ્યાઓ પણ હાલ આ સમયમાં કોવિડ ગાઈડલાઈનને તોડી પોતાની મસ્તીમાં રહેતા લોકો દેખાય છે.