એક સાથે 3 મિત્રોની અર્થી ઉઠી: બાઇક-ટ્રક વચ્ચેની ભયંકર અથડામણમાં ત્રણેય મિત્રોના ઘટના સ્થળે જ કરુણ મોત

અકસ્માત (accident)ની ઘટનાઓનો ગ્રાફ ખુબ જ ઉંચો જતો જણાઈ રાહ્યો છે. ત્યારે હાલ વધુ એક ગમખ્વાર અકસ્માતના સમાચાર મળી આવ્યા છે. ભૌલમાડા પોલીસ સ્ટેશન હેઠળના નેશનલ હાઈવે 43(National Highway 43) પર આવેલા ગોદારુ નાળા પાસે શુક્રવારે રાત્રે દેવગણવા તરફથી એક બાઇક આવી રહ્યું હતું. જેમાં 20 થી 22 વર્ષની વયના ત્રણ યુવકો સવાર હતા. તેઓ તેમના રહેઠાણ ભાખલમાડા પોલીસ સ્ટેશન હેઠળ પોડી ચોડી જઈ રહ્યા હતા. ત્યારે કોઈ અજાણ્યા ટ્રકે બાઇકને જોરથી ટક્કર મારી હતી. જેના કારણે બાઇક પર સવાર ત્રણ યુવાનોના ઘટના સ્થળે જ મોત નિપજ્યા હતા. ત્રણેય મૃતક મિત્રો હતા.

મળતી માહિતી અનુસાર, જિલ્લા ટ્રાફિક પોલીસ દળ દ્વારા કોટમા રોડ પર ગોદારુ નાળા પાસે વાહન ચેકિંગ કરવામાં આવી રહ્યું હતું. આ દરમિયાન, પોલીસને જોઈને, ત્રણેય છોકરાઓએ ડ્રાઈવિંગ કાર્યવાહી ટાળવાના ઈરાદે ઝડપી દોડવાનો પ્રયાસ કર્યો હતો અને ટ્રક સાથે અથડાયા હતા. જ્યાં તેનું મૃત્યુ થયું હતું. મૃતકોમાં મંગલ કેવત (22), શનિ કેવત (20) અને જવાહર કેવત (22)નો સમાવેશ થાય છે.

આ અકસ્માતમાં ત્રણેય મિત્રોના ઘટના સ્થળે જ મોત નીપજ્યા હતા. તેથી પોલીસે પંચનામા કરી લાશને પોસ્ટમોર્ટમ માટે મોકલી આપી છે. ઘટનાને પગલે લોકોના ટોળે ટોળા એકઠા થયા હતા. ત્રણેયના મિત્રોના મોતને પગલે સમગ્ર પંથકમાં ચકચાર મચી જવા પામી હતી.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.