November 02, 2024
દેશમાં કોરોના(Covid-19)ની બીજી લહેર ધીમે ધીમે નબળી પડી રહી છે, પરંતુ હજુ પણ કોરોનાની પરિસ્થિતિ કાબૂમાં આવી નથી. દેશભરમાં શાળાઓ ખુલતા જ બાળકો હવે કોરોનાનો શિકાર બની રહ્યા છે. વિધાર્થીઓ માસ્ક કે સામાજિક અંતરનું પાલન કરે તેની જવાબદારી શાળાઓની હોય છે. કોરોના હજુ ગયો નથી એટલે આપણે સૌને સાવચેત રહેવું ખુબ જ જરૂરી છે.
ત્યારે હવે જમ્મુ -કાશ્મીર(Jammu and Kashmir)ના રાજૌરી જિલ્લાની એક ખાનગી શાળા(Private school)માં 32 વિદ્યાર્થીઓ કોરોના સંક્રમિત હોવાનું જાણવા મળ્યું છે. તાજેતરમાં, વહીવટીતંત્રે કોરોનાથી પરિસ્થિતિ નિયંત્રણમાં આવ્યા બાદ 10 મી અને 12 મી શાળાઓ ખોલવાની મંજૂરી આપી હતી. ત્યારે હવે વિદ્યાર્થીઓ કોરોના પોઝીટીવ(Corona positive) આવતા હડકંપ મચ્યો છે.
માહિતી અનુસાર, જમ્મુના રાજૌરી(Rajouri) જિલ્લામાં કોરોના બ્લાસ્ટ(Corona Blast) થયો હતો. અહીં એક ખાનગી શાળાના 32 વિદ્યાર્થીઓ કોવિડ પોઝિટિવ હોવાનું જાણવા મળ્યું છે. ખરેખર, વહીવટીતંત્રે આદેશ આપ્યો છે કે, તમામ બાળકો વર્ગમાં પ્રવેશતા પહેલા એન્ટિજેન માટે પરીક્ષણ કરવામાં આવશે. આ ટેસ્ટમાં આ બાળકોનો રિપોર્ટ પોઝિટિવ આવ્યો છે. તાજેતરમાં જ જમ્મુ-કાશ્મીર સરકારે ધોરણ 10 અને 12 નું વર્ગો ઓફલાઈન(Offline classes) શરૂ કરવાનો આદેશ આપ્યો હતો.
Trending News
થોડા દિવસ પહેલા લદ્દાખ(Ladakh)ની રાજધાની લેહમાં પણ આવું જ થયું હતું. ત્યારબાદ ત્યાં શાળાઓ બંધ કરી દેવામાં આવી છે. ગયા અઠવાડિયે લેહમાં એક જ દિવસમાં 71 નવા કેસ નોંધાયા હતા. જે બે મહિનામાં સૌથી વધુ કેસો હતા. આમાંના મોટાભાગના કેસ લેહમાં ડ્રુક પદ્મા કર્પો સ્કૂલ ચે સાથે સંબંધિત હતા. આ પછી જિલ્લા વહીવટીતંત્રે 15 દિવસ માટે શાળા બંધ રાખવાનો આદેશ આપ્યો હતો. ત્યાં 2 ઓક્ટોબર સુધી શાળાઓ ફરી બંધ કરી દેવામાં આવી છે.
છેલ્લા 24 કલાકમાં દેશમાં કોરોનાના 26,041 નવા કેસ નોંધાયા છે અને 276 દર્દીઓના મોત થયા છે. તે જ સમયે જમ્મુ અને કાશ્મીરમાં 127 નવા કેસ આવ્યા અને એક દર્દીનું મૃત્યુ થયું છે. જમ્મુ -કાશ્મીરમાં હજુ 1 હજાર 514 દર્દીઓ છે જેમની સારવાર ચાલી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.