November 24, 2024
ઉત્તરાખંડ(Uttarakhand)માં ચાલી રહેલી ચાર ધામ યાત્રામાં છેલ્લા બે સપ્તાહમાં 34 શ્રદ્ધાળુઓના મોત થયા છે. બે અઠવાડિયામાં, ઓછામાં ઓછા 34 યાત્રાળુઓ હાર્ટ એટેક(Heart attack), હાઈ બ્લડ(High blood) પ્રેશર અને પર્વતીય માંદગીના કારણે મૃત્યુ પામ્યા છે. તેમાંથી મોટા ભાગના એવા લોકો છે જેઓ અગાઉ કોરોના(Corona) સંક્રમણમાંથી પસાર થઈ ચૂક્યા છે. ઊંચાઈએ મુસાફરોના મૃત્યુને જોતા વહીવટીતંત્રે સાવચેતી વધારી દીધી છે.
ડોક્ટરોનું કહેવું છે કે, જેમના ફેફસાંમાં કોરોનાને કારણે ખૂબ જ ઈન્ફેક્શન થયું હતું, તેમને ઊંચાઈ પર સમસ્યા છે. ગંભીર ચેપના કિસ્સામાં, ફેફસાં સખત થઈ જાય છે. આવી સ્થિતિમાં, જો ત્રણ હજાર મીટરની ઊંચાઈએ પર્વત પર ચડતી વખતે વ્યક્તિ શ્વાસ લેવાનો પ્રયાસ કરે છે, તો તેના ફેફસાં યોગ્ય રીતે ફૂલી શકતા નથી. તેનાથી સ્ટ્રોકનું જોખમ વધી જાય છે.
આનો અર્થ એ છે કે, ગંભીર ચેપવાળા દર્દીઓ સાજા થઈ ગયા હશે. પરંતુ ઘણા કિસ્સાઓમાં તેમના ફેફસાં સંપૂર્ણ રીતે સ્વસ્થ થયા નથી. ડૉક્ટરો સલાહ આપે છે કે, આવા લોકોએ ઊંચાઈવાળા વિસ્તારોમાં જવાનું ટાળવું જોઈએ. આથી યાત્રા રૂટ પર યાત્રિકોની આરોગ્ય તપાસ માટે નવા મેડિકલ કેમ્પ પણ ગોઠવવામાં આવ્યા છે. ચારધામમાં હાર્ટ એટેકના કારણે મૃત્યુના વધતા જતા કેસોને જોતા આરોગ્ય વિભાગની ટીમ પગપાળા સહિતના વાહનોમાં યાત્રાળુઓની તપાસ કરી રહી છે.
Trending News
મેડિકલ એક્સપર્ટ્સનું કહેવું છે કે, જે લોકોને ગયા વર્ષે કોરોના થયો હતો અને તેમના ફેફસામાં ઈન્ફેક્શન સીટી સ્કેનમાં 12 પોઈન્ટથી વધુ જોવા મળ્યું હતું. તેમણે આ વર્ષે ઊંચા સ્થળોએ જવાનું ટાળવું જોઈએ. આટલી ઉંચાઈ પર જતા પહેલા મુસાફરોએ એક્સ-રે અથવા સીટી સ્કેન કરાવવું જોઈએ.
જો છાતીમાં અથવા ફેફસાંમાં કોઈ અગવડતા હોય, તો તે સ્થાનો પરથી તપાસ માટે લાળ અથવા પેશીના નમૂનાઓ દૂર કરવા માટે બ્રોન્કોસ્કોપીનો ઉપયોગ કરી શકાય છે. બ્રોન્કોસ્કોપી પરીક્ષા પલ્મોનોલોજિસ્ટની દેખરેખ હેઠળ કરવામાં આવે છે. આ ટેસ્ટથી ફેફસાંની સ્થિતિ કેવી છે તે જાણી શકાશે. તેના આધારે, તમે મુસાફરી કરવાનું ટાળી શકો છો.
ચારધામ યાત્રા દરમિયાન સતત થઈ રહેલા મૃત્યુને ધ્યાનમાં લઈને કેન્દ્રએ પહેલીવાર NDRF અને ITBPને પણ તૈનાત કર્યા છે. આ દરમિયાન, મોટી સંખ્યામાં શ્રદ્ધાળુઓના કારણે યાત્રા રૂટમાં પણ હાલાકીનો સામનો કરવો પડી રહ્યો છે. ક્યાંક પાણીની અછત છે તો ક્યાંક સાત કિલોમીટર લાંબો જામ છે. તકનો લાભ લઈને હોટલ અને રેસ્ટોરન્ટો તોતિંગ કિંમતો વસૂલી રહ્યા છે. સ્થિતિ એવી બની છે કે, વહીવટી તંત્રને આવા વેપારીઓની ધરપકડના આદેશ આપવા પડે છે.
એવું પણ નક્કી કરવામાં આવ્યું છે કે, નોંધણી વગર આવનારા મુસાફરોને ઋષિકેશથી આગળ જવા દેવામાં આવશે નહીં. સામાન્ય લોકોને આશા હતી કે આ વખતે ઓલ-વેધર રોડ બનાવવાથી ચારધામ યાત્રામાં સરળતા રહેશે. યાત્રાના રૂટ પર આવતા નગરો રુદ્રપ્રયાગ, કર્ણપ્રયાગ, ઉત્તરકાશી, પુરોલા, જોશીમઠ, નંદપ્રયાગ, શ્રીનગર વગેરેમા જબરદસ્ત જામ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.