દેશના 40 કરોડ કર્મચારીઓનું નવું વર્ષ સુધરી જશે :મોદી સરકાર કરવાં માટે જઈ રહી છે આ ખાસ કામ

દેશના કર્મચારીઓ માટે મોદી સરકાર દ્વારા કેટલીક મહત્વની યોજનાઓ બહાર પાડવામાં આવતી હોય છે કે, જેનાથી કર્મચારીઓને આર્થિક રીતે મદદરૂપ થઈ શકે. કોરોના વચ્ચે હાલમાં દેશના કરોડો કર્મચારીઓ માટે એક આનંદનાં સમાચાર સામે આવી રહ્યાં છે.

સમગ્ર દેશમાં રોજગારમાં વધારો કરવાં માટે કેન્દ્રિય મંત્રીમંડળ દ્વારા ‘આત્મનિર્ભર ભારત’ યોજનાને પરવાનગી આપી દેવામાં આવી છે. સામાજીક સુરક્ષા સંહિતાને આગલા વર્ષ દરમિયાન એટલે કે, 1 એપ્રિલ વર્ષ 2021 થી અમલ કરવાની તૈયારીમાં રહેલી છે.

જેને કારણે સમગ્ર દેશમાં કુલ 40 કરોડ અસંગઠિત ક્ષેત્રોમાં કામ કરનાર કર્મચારીઓ માટે EPFOના દરવાજા ખુલી શકે છે. નવા વર્ષમાં EPFOને સરકાર દ્વારા ‘આત્મનિર્ભર ભારત રોજગાર’ યોજનાનો અમલ કરવા પર ધ્યાન આપતા પ્રયત્ન કરવામાં આવી રહ્યાં છે. આ યોજના પછી અસંગઠિત ક્ષેત્ર પણ EPFO હેઠળ આવશે.

કુલ 22,810 કરોડ રૂપિયાની યોજના :
આ યોજના અંતર્ગત એવાં કર્મચારીઓને આવરી લેવામાં આવશે કે, જેમણે 1 ઓક્ટોબર 2020થી લઈને 30 જૂન વર્ષ 2021 વચ્ચે નોકરી જોઇન કરી છે. આ યોજના પર હાલના નાણાકીય વર્ષમાં કુલ 1,584 કરોડ રૂપિયાનો ખર્ચ કરવામાં આવશે. જયારે વર્ષ 2020-’23 સુધી સંપૂર્ણ યોજના અવધિ દરમિયાન કુલ 22,810 કરોડ રૂપિયાનો ખર્ચ કરવામાં આવશે.