November 18, 2024
તમને યાદ હશે કે વર્ષ 2018 માં ટીમ ઇન્ડિયાએ બ્લાઇન્ડ વર્લ્ડ કપ ક્રિકેટનું ટાઇટલ જીતીને ઇતિહાસ રચ્યો હતો. આ જીત ખૂબ જ ખાસ હતી. ફાઇનલમાં ટીમ ઇન્ડિયાએ પાકિસ્તાનને હરાવ્યું હતું. આ જીત બાદ ભારતીય ખેલાડીઓએ ઘણી પ્રશંસા મેળવી હતી. રાષ્ટ્રપતિથી લઈને પ્રધાનમંત્રી સુધી બધાએ ખેલાડીઓને અભિનંદન આપ્યા હતા. આજે અમે તમને એવા ખેલાડી વિશે વાત કરવા જઈ રહ્યા છીએ તે હાલમાં મજુરી કરીને પોતાનું ગુજરાન ચલાવી રહ્યો છે. જેમનું નામ નરેશ તુમડા છે.
ન્યૂઝ એજન્સી એએનઆઈ સાથે વાત કરતા નરેશ તુમડાએ કહ્યું કે સરકાર તરફથી મદદ માટે વારંવાર વિનંતી કરવા છતાં હજુ સુધી કંઈ થયું નથી. તેણે કહ્યું, ‘હું રોજ માત્ર 250 રૂપિયા કમાઉ છું. મેં ગુજરાતના મુખ્યમંત્રીને ત્રણ વખત મદદ માટે અપીલ કરી, પરંતુ આજ સુધી તેમની તરફથી કોઈ પ્રતિસાદ મળ્યો નથી. હું સરકારને વિનંતી કરું છું કે મને થોડી નોકરી આપો જેથી હું મારો પરિવાર ચલાવી શકું.
Trending News
29 વર્ષીય નરેશ તુમડા ગયા વર્ષે લોકડાઉનમાં શાકભાજી વેચી રહ્યો હતો. તેનાથી પરિવારનો ખર્ચ નીકળતો ન હતો, તેથી તેણે મજુરી કરવાનું શરૂ કર્યું. આ દિવસોમાં તે ઈંટો ઉપાડીને પરિવારનું ગુજરાન ચલાવે છે. તેણે કહ્યું, ‘મારા માતા -પિતા વૃદ્ધ છે. મારા પિતા નોકરી માટે જઈ શકતા નથી એટલે કે, હું પરિવારનો એકમાત્ર કમાનારો છું. ગયા વર્ષે તે જમાલપુર બજારમાં શાકભાજી વેચતો હતો પરંતુ તેમણે વધારે કમાણી કરી ન હતી.
નરેશ તુમડા ખૂબ જ પ્રતિભાશાળી ક્રિકેટર રહ્યા છે. તેણે માત્ર પાંચ વર્ષની ઉંમરે ક્રિકેટ રમવાનું શરૂ કર્યું. મુશ્કેલીઓનો સામનો કરીને 12 ધોરણ સુધી અભ્યાસ કર્યો. પાંચ વર્ષની ઉંમરે તેણે પોતાની આંખો ગુમાવી દીધી હતી. વર્ષ 2014 માં તેમની ગુજરાતની ટીમમાં પસંદગી થઈ હતી. આ પછી તેને ભારતીય ટીમમાં રમવાની તક મળી. વર્લ્ડ કપની ફાઇનલમાં ભારતે 8 વિકેટ ગુમાવીને પાકિસ્તાનનો 308 રનનો મોટો લક્ષ્યાંક પૂરો કર્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.