November 24, 2024
અફઘાનિસ્તાનમાં તાલીબાનીઓએ પોતાનો સંપૂર્ણ કબજો કરી લીધો છે જે બાદ અફગાનિસ્તાનમાં ખુબ જ ખરાબ પરિસ્થિતિ સર્જાઈ છે. ખાસ કરીને અફગાનિસ્તાનના એરપોર્ટ પર લોકોની ખુબ જ ભીડ જોવા મળી રહી છે. ભીડને કાબુમાં લેવા માટે અમેરિકી સૈનિકો દ્વારા ફાયરીંગ પણ કરવામાં આવ્યું હતું. એટલી ગંભીર પરિસ્થિતિ પેદા થઇ છે કે, એરપોર્ટ પર કોઈ વીઝા પણ ચેક નથી કરી રહ્યું.
તાલિબાનના કબ્જા બાદ અફઘાનિસ્તાનમાં ખુબ જ ભયંકર અને ડરનો માહોલ સર્જાયો છે. તાલિબાનીઓએ સમગ્ર દેશમાં હોબાળો મચાવ્યો છે. અફઘાનિસ્તાનના રાષ્ટ્રપતિ અશરફ ગની પણ દેશ છોડીને ભાગી ગયા છે. અમેરિકા પણ ટૂંક સમયમાં પોતાના અધિકારીઓ અને સૈનિકોને ત્યાંથી હટાવી દેશે તેવી માહિતી મળી રહી છે. ત્યારે આવા સમયે ભારતીય નાગરિકોની સુરક્ષા આપણા માટે સૌથી મોટો સવાલ ઉભો થાય છે. આવા કપરા સમયે અમે આપને અફઘાનિસ્તાન પર તાજેતરની માહિતી આપવા જઈ રહ્યા છીએ.
Trending News
ત્યારે હવે તાજેતરમાં જ અફઘાનિસ્તાનથી એક તસ્વીર સામે આવી છે, જેમાં અમેરિકી વિમાનમાં અસંખ્ય લોકો આપ જોઈ શકો છો. તાલિબાનના કબ્જા બાદ અનેક લોકો દેશ છોડીને ભાગી રહ્યા છે. બીજી બાજૂ અજીત ડોભાલે અમેરિકા NSA સાથે વાત કરી છે.
આ પ્રકારની ખરાબ પરિસ્થિતીને જોતા અમેરિકા, બ્રિટેન અને ફ્રાંન્સ જેવા મોટા દેશો પણ ખુબ જ હેરાન પરેશાન થઇ રહ્યા રહ્યા છે. અફઘાનિસ્તાન તેમના નાગરીકોને અફઘાનિસ્તાનથી બહાર નિકાળવા માટે સ્પેશિયલ ફ્લાઈટની સેવા આપી રહ્યા છે. ભારતે પણ ગત રવિવારે એટલે કે ગઈ કાલે જ અફઘાનિસ્તાનમાંથી આપણા નાગરિકોને બહાર કાઢ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.