November 24, 2024
તાલિબાનના કબજા બાદ અફઘાનિસ્તાનની સ્થિતિ વધુ ખરાબ થઈ રહી છે. આ દરમિયાન, એવા સમાચાર મળી રહ્યા છે કે યુક્રેનનું એક વિમાન કાબુલમાં હાઇજેક કરીને ઇરાન લઇ જવામાં આવ્યું છે. યુક્રેનના નાયબ વિદેશ મંત્રી યેવગેની યેનીને આ માહિતી આપી અને જણાવ્યું કે યુક્રેનનું વિમાન તેના નાગરિકોને બહાર કાઢવા માટે કાબુલ પહોંચ્યું હતું, જેને અજાણ્યા લોકો દ્વારા હાઇજેક કરવામાં આવ્યું છે.
યુક્રેનના નાયબ વિદેશ મંત્રી યેવગેની યેનીને કહ્યું કે, ‘આ યુક્રેનનું વિમાન રવિવારે હાઇજેક કરવામાં આવ્યું હતું, જેને કેટલાક અજાણ્યા લોકોએ કબજે કર્યું હતું. આ પછી, આ વિમાનને મંગળવારે ઈરાન લઈ જવામાં આવ્યું છે, જેમાં અજાણ્યા લોકો સવાર છે. તેમણે કહ્યું કે એટલું જ નહીં, અમારા નાગરિકોનું સફળ સ્થળાંતર પણ સફળ થઈ શક્યું નથી, કારણ કે અમારા લોકો એરપોર્ટ સુધી પહોંચી શક્યા નથી.
યુક્રેનના મંત્રી યેવગેની યેસેનીને કહ્યું કે અપહરણકારો સશસ્ત્ર હતા. જો કે, તેણે વિમાન કોણે અપહરણ કર્યું અને તેને પાછું મેળવવા માટે યુક્રેનિયન સરકારે શું પગલાં લીધાં તે અંગે કોઈ માહિતી આપી નથી. તેમણે એ પણ સ્પષ્ટ કર્યું નથી કે યુક્રેનિયન નાગરિકો કાબુલથી કેવી રીતે પાછા આવ્યા.
Trending News
માહિતી અનુસાર, રવિવાર સુધી કુલ 83 લોકોને કાબુલથી યુક્રેનની રાજધાની કિવમાં લાવવામાં આવ્યા હતા. જેમાં 31 યુક્રેનિયન નાગરિકોનો સમાવેશ થાય છે. રાષ્ટ્રપતિ કાર્યાલયે જણાવ્યું હતું કે 12 યુક્રેનિયન લશ્કરી કર્મચારીઓ ઘરે પરત ફર્યા હતા. જ્યારે વિદેશી પત્રકારો અને મદદની વિનંતી કરતા જાહેર વ્યક્તિઓને પણ બહાર કાઢવામાં આવ્યા હતા. ઓફિસે એ પણ જાણ કરી છે કે લગભગ 100 યુક્રેનિયન હજુ પણ અફઘાનિસ્તાનમાં ફસાયેલા છે, જેમને બચાવવામાં આવી રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.