November 24, 2024
હરિયાણા: ભિવાની-હિસાર રોડ પર જટુ લોહારી ગામ પાસે ગુરુવારે સાંજે ખાનગી બસ અને રેતી ભરેલા ટ્રેક્ટર-ટ્રોલી વચ્ચે થયેલા અકસ્માતમાં ચાર લોકોના મોત થયા હતા અને દોઢ ડઝનથી વધુ લોકો ઘાયલ થયા હતા. આ અકસ્માત બસની ઓવરટેકિંગ દરમિયાન થયો હતો. ભિવાનીના ડીસી જયબીર સિંહે શરૂઆતમાં માત્ર 3 લોકોના મોતની પુષ્ટિ કરી હતી, પરંતુ બાદમાં ભિવાનીની સીએમઓ સપનાએ જણાવ્યું હતું કે અકસ્માતમાં કુલ ચાર લોકોના મોત થયા છે.
તેમાંથી ત્રણ મૃતદેહો સરકારી એમ્બ્યુલન્સમાં અને એક મૃતદેહ ખાનગી એમ્બ્યુલન્સમાં હોસ્પિટલ લાવવામાં આવ્યો હતો. સીએમઓના જણાવ્યા અનુસાર, ચારેયનું મોત માથામાં ઈજા પહોચવાના કારણે થયું છે. મૃતકોમાંથી બેની ઓળખ શમશેર ઉર્ફે સંજુ અને બવાનીખેડાની ક્રિષ્ના દેવી તરીકે થઈ હતી, જ્યારે અકસ્માતમાં મૃત્યુ પામેલી અન્ય બે મહિલાઓની રાત્રે 11:15 સુધી ઓળખ થઈ શકી ન હતી. ડેપ્યુટી સીએમઓના જણાવ્યા અનુસાર, આ સિવાય 4 ઘાયલોની હાલત અત્યંત નાજુક હોવાને કારણે તેમને રોહતક પીજીઆઈમાં રીફર કરવામાં આવ્યા છે.
પ્રાપ્ત માહિતી અનુસાર, ખાનગી બસ નંબર HR61C5550 ગુરુવારે સાંજે હંસીથી ભિવાની તરફ આવી રહી હતી અને તેમાં 22 મુસાફરો હતા. બસ અને ટ્રેક્ટર-ટ્રોલી વચ્ચેની ટક્કર એટલી ગંભીર હતી કે બસનું છાપરું ઉડી ગયુ અને બસ બે ભાગમાં તૂટી ગઈ. અકસ્માત બાદ સ્થળ પર હોબાળો મચી ગયો હતો અને આસપાસના લોકો ઘાયલોને બચાવવા દોડી આવ્યા હતા અને સમગ્ર વિસ્તાર એમ્બ્યુલન્સના સાયરનથી ગુંજી ઉઠ્યો હતો. બસનો કાટમાળ જેસીબીની મદદથી દૂર કરવામાં આવ્યો હતો અને ઘાયલોને હોસ્પિટલ લઈ જવામાં આવ્યા હતા.
Trending News
અકસ્માતમાં ઘાયલ થયેલા લોકોમાં અલ્હાબાદના સંતોષ, બનવારી, અજય અને શંકર, જટુ લોહારીના જયસિંહ, હિસારના રાજેશ, બાવનીખેડામાં કોચિંગ સેન્ટર ચલાવતા રવિન્દ્ર, ભવાનીખેડાના જોગેન્દ્ર, રાજપાલ અને જોગેન્દ્ર કુમાર, ભિવાની બેંક કોલોનીના રહેવાસીઓ છે. ચરખી દાદરીના સતીશ અને સચિન પણ સામેલ છે.
જણાવવામાં આવી રહ્યું છે કે, ખાનગી બસ ગુરુવારે સાંજે મુસાફરો સાથે હંસી જવા માટે ભિવાનીથી નીકળી હતી તે દરમિયાન રસ્તામાં જટુ લોહારી ગામ નજીક ટ્રેક્ટર ટ્રોલીને ઓવરટેક કરવાનો પ્રયાસ કરતી વખતે ટ્રોલી સાથે અથડાઈ હતી જેના કારણે આ ભયાનક અકસ્માત સર્જાયો હતો. ઇજાગ્રસ્તોને એમ્બ્યુલન્સમાં ખાનગી વાહનો દ્વારા ભિવાનીની સરકારી હોસ્પિટલમાં લાવવામાં આવ્યા હતા.
જ્યાં તબીબો દ્વારા 4 લોકોને મૃત જાહેર કરવામાં આવ્યા હતા. જ્યારે 22થી વધુ લોકો સારવાર હેઠળ છે. ઘટનાની માહિતી મળતા જ પોલીસ અધિક્ષક અજીતસિંહ શેખાવત અને ડીસી જયબીરસિંહ આર્ય ચૌધરી બંસીલાલ જનરલ હોસ્પિટલના ઇમરજન્સી વિભાગમાં પહોંચ્યા અને ઘાયલો પાસેથી માહિતી લીધી હતી.
અકસ્માતની માહિતી મળતાની સાથે જ જિલ્લા હોસ્પિટલ ભિવાનીની એમ્બ્યુલન્સ ઘટના સ્થળે પહોંચી અને ઘાયલોને એમ્બ્યુલન્સ અને ખાનગી વાહનો દ્વારા ચૌધરી બંસીલાલ જનરલ હોસ્પિટલ, ભિવાની ખાતે લાવવામાં આવ્યા. જ્યાં ઈમરજન્સી વોર્ડમાં ઈજાગ્રસ્તોને પ્રાથમિક સારવાર આપ્યા બાદ ગંભીર રીતે ઘાયલ 4 લોકોને રોહતક પીજીઆઈમાં રીફર કરવામાં આવ્યા હતા. ઘટનાની જાણ થતાં પોલીસ પણ ઘટના સ્થળે પહોંચી હતી. ભિવાનીના ડીસી જયબીર સિંહનું કહેવું છે કે ઘાયલોને અલગ અલગ હોસ્પિટલમાં દાખલ કરવામાં આવ્યા છે. પોલીસ આ મામલે તપાસ કરી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.