November 05, 2024
પંજશીર ખીણમાં આ સમયે યુદ્ધનું વાતાવરણ છે. તાલિબાનના પ્રયાસો છતાં, પંજીશિર પર કબજો કરવાની તેમની ઈચ્છા પૂરી થઈ નથી. તમને જણાવી દઈએ કે, અન્ય દેશો પાકિસ્તાન સામે નારાજગી વ્યક્ત કરી રહ્યા છે. જેથી કથિત રીતે પંજશીર હુમલામાં તાલિબાનને મદદ કરી હતી. આ સાથે જ અમેરિકાના સાંસદે આ મામલે પાકિસ્તાનને ઘેરી લીધું છે. અમેરિકાના ધારાસભ્ય એડમ કિન્ઝિંગરે પાકિસ્તાનને આર્થિક મદદ પર પ્રતિબંધ મુકવાની માંગ કરી છે.
મળતી માહિતી મુજબ, પાકિસ્તાને તાલિબાન દ્વારા પંજશીરમાં કરવામાં આવેલા હુમલામાં મદદ કરી છે. આ મુદ્દે પાકિસ્તાનની ટીકા થઈ રહી છે. તે જ સમયે, યુએસના ધારાસભ્ય એડમ કિન્ઝિંગરે ટ્વિટર પર લખ્યું હતું કે, “જો પાકિસ્તાન તાલિબાનને મદદ કરે છે તેની પુષ્ટિ થાય છે, તો આપણે આર્થિક સહિત તમામ પ્રકારની સહાય બંધ કરવી જોઈએ, તેના બદલે આપણે પાકિસ્તાન પર પ્રતિબંધો લાદવા જોઈએ.”
તે જ સમયે, અન્ય એક ટ્વિટમાં યુએસ સાંસદે એક પોસ્ટને રિટ્વિટ કરી અને લખ્યું હતું કે, “બરાબર, પાકિસ્તાન હવે અમને તેના રંગ બતાવી રહ્યું છે. ભારતે ખાતરી કરવી જોઈએ કે, ઉત્તરીય પ્રતિકાર સારી રીતે પૂરો પાડવામાં આવે છે. તમને જણાવી દઈએ કે, અફઘાનિસ્તાનમાં પંજશીર એકમાત્ર જગ્યા છે જ્યાં તાલિબાન હજુ સુધી કબજો મેળવી શક્યું નથી. મળેલી માહિતી મુજબ, પાકિસ્તાન તાલિબાનને મદદ કરી રહ્યું છે. પાકિસ્તાનના હવાઈ હુમલામાં તેના 4 અધિકારીઓ સહિત 21 સૈનિકો માર્યા ગયા છે. સૂત્રો પાસેથી એવું પણ જાણવા મળ્યું છે કે, આ હુમલામાં 25 પાકિસ્તાની સૈનિકો ઘાયલ થયા છે, જેમને વિમાન M17 દ્વારા પાકિસ્તાન પરત લાવવામાં આવ્યા છે.
Trending News
પંજશીર હુમલામાં ઘાયલ સૈનિકોની લાહોરની હોસ્પિટલમાં સારવાર ચાલી રહી છે. પંજશીર સહિત સમગ્ર અફઘાનિસ્તાનમાં જે પ્રકારની પરિસ્થિતિ પ્રવર્તે છે, ત્યાં ઘણા દેશો છે જે ખુલ્લેઆમ અફઘાનિસ્તાનને પોતાનો ટેકો આપી રહ્યા છે. પંજશીરના સમર્થનમાં આવતા ઈરાને તાલિબાન પર સવાલ ઉઠાવ્યા હતા, જ્યારે બીજી બાજુ પાકિસ્તાનની ચારે બાજુ ટીકા થઈ રહી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.