January 31, 2025
હરિયાણા(Haryana)ના ફરીદાબાદ(Faridabad) જિલ્લાનો એક હૃદયદ્રાવક વીડિયો સોશિયલ મીડિયા(Social media) પર વાયરલ થયો છે. આ વીડિયોમાં ત્રણ લોકો મળીને એક યુવકને લાકડીઓ અને હથોડી વડે માર મારી રહ્યા છે. આ કેસમાં પોલીસને બે આરોપીની ધરપકડ કરવામાં સફળતા મળી છે. સાથે જ પોલીસ ત્રીજા આરોપીની પણ ટૂંક સમયમાં ધરપકડ કરવાની વાત કરી રહી છે. પોલીસના હાથે ઝડપાયેલા બે આરપી લલિત અને પ્રદીપ ફતેહપુર ચંદીલા ગામના રહેવાસી છે.
View this post on Instagram
જણાવી દઈએ કે સેક્ટર-21ડી વિસ્તારમાં અંકેર-બડખાલ ચોક પાસે ત્રણ કાર સવાર હુમલાખોરોએ બાઇક પર સવાર યુવકને ટક્કર મારીને નીચે પછાડી દીધી હતી. બેરહેમીથી હથોડી મારીને તેના પગ ભાંગી નાખ્યા હતા. યુવકને ગંભીર હાલતમાં નજીકની હોસ્પિટલમાં દાખલ કરવામાં આવ્યો છે. જાહેરમાં થયેલી આ મારપીટનો વીડિયો વાયરલ થયો હતો. જૂની અદાવતના કારણે આ હુમલો કરવામાં આવ્યો હતો.
Trending News
પોલીસે જણાવ્યું કે પીડિત મનીષે વર્ષ 2020માં પોલીસ સ્ટેશન NIT વિસ્તારમાં આરોપી પ્રદીપના ભાઈ યોગેશ સાથે મારપીટ કરી હતી. આ કેસ NIT પોલીસ સ્ટેશનમાં નોંધાયેલ છે. જેનો બદલો લેવા માટે આરોપીઓએ પીડિત સાથે મળીને સોમવારે સવારે સેક્ટર-21ડી વિસ્તારમાં આ ઘટનાને અંજામ આપ્યો હતો.
પીડિત યુવક ડ્યુટી પર જઈ રહ્યો હતો ત્યારે બદમાશોએ આ ઘટનાને અંજામ આપ્યો હતો. આરોપી લલિત, પ્રદીપ અને સચિન વિરુદ્ધ NIT પોલીસ સ્ટેશનમાં હત્યાનો પ્રયાસ અને ગેરકાયદેસર હથિયારથી ફાયરિંગ જેવી ગંભીર કલમો હેઠળ કેસ નોંધવામાં આવ્યો છે. ક્રાઈમ બ્રાન્ચ સેક્ટર-30 ઝડપાયેલા આરોપીઓની કડક પૂછપરછમાં વ્યસ્ત છે.
સોશિયલ મીડિયા પર વાયરલ થઈ રહેલા વીડિયોમાં યુવકને લોખંડના સળિયા, હથોડી અને લાતો અને મુક્કાથી મારતો જોવા મળી રહ્યો છે. આવી બર્બરતા સાથે અગાઉ હથોડી ગેંગ શહેરમાં આ કૃત્ય કરતી હતી. સેક્ટર-10માં પણ આવી જ એક ટોળકીની ઘટનાનો પોલીસે ખુલાસો કર્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.