જમ્મુ-કાશ્મીરમાં ભારતીય સેનાને મળી મોટી સફળતા- મુઠભેડમાં એક આંતકીને ઢીમ ઢાળી દીધો

જમ્મુ-કાશ્મીર(Jammu and Kashmir)માં આતંકવાદીઓના ખાત્મા માટે સુરક્ષા દળો સતત સક્રિય છે. ફરી એકવાર સુરક્ષા દળો મોટા સર્ચ ઓપરેશનમાં લાગેલા છે અને આ દરમિયાન તેઓએ એક છુપાયેલા આતંકવાદીને પણ ઠાર કર્યો છે. માનવામાં આવે છે કે આ વિસ્તારમાં હજુ એકથી બે વધુ આતંકીઓ હાજર છે. આ સર્ચ ઓપરેશન અવંતીપોરાના બડગામ વિસ્તારમાં ચાલી રહ્યું છે. આ સાથે જ સેના અને આતંકીઓ વચ્ચે અથડામણ ચાલી રહી છે.

એક આતંકવાદી માર્યો ગયો:
કાશ્મીરના આઈજીપી વિજય કુમારે કહ્યું કે અવંતીપોરાના બડગામ વિસ્તારમાં સુરક્ષા દળો અને આતંકવાદીઓ વચ્ચે હજુ પણ અથડામણ ચાલી રહી છે અને આ એન્કાઉન્ટરમાં એક આતંકવાદી માર્યો ગયો છે. જો કે આ વિસ્તારમાં એકથી બે આતંકીઓ હાજર હોવાની આશંકા છે.

સુરક્ષા દળોને મળેલી વિશેષ બાતમી બાદ, આ વિસ્તારમાં સુરક્ષા દળો દ્વારા સંયુક્ત સર્ચ ઓપરેશન હાથ ધરવામાં આવ્યું હતું, જ્યારે છુપાયેલા આતંકવાદીઓએ સુરક્ષા દળો પર ગોળીબાર કર્યો હતો. આ પછી સુરક્ષા દળોએ જવાબી કાર્યવાહી કરી, જેમાં એક આતંકી માર્યો ગયો. આ પહેલા 1 ડિસેમ્બરે પુલવામા જિલ્લાના કસબાયર રાજપોરા વિસ્તારમાં સેના અને સુરક્ષા દળો વચ્ચે અથડામણ થઈ હતી. આ એન્કાઉન્ટરમાં પણ આપણા બહાદુર જવાનોએ બે આતંકીઓને ઠાર કર્યા હતા.