November 24, 2024
જીલ્લાના ગોરખપુરમાં મ્યુનિસિપલ કોર્પોરેશન ઝોનની ઓફિસ નજીક રામપુરમાં રહેતી 5 વર્ષની માસૂમ બાળકીનો મૃતદેહ આજે સવારે શક્તિ નગર રોડ પર ઢાળ પાસેના કૂવામાંથી મળી આવ્યો હતો. કૂવો ઉપરથી લોખંડની જાળીથી બંધ છે. તેથી પોલીસને આશંકા છે કે,બાળકીની હત્યા કરવામાં આવી છે. અકસ્માતની માહિતી મળતા જ ઉચ્ચ પોલીસ અધિકારીઓ સહિત એફએસએલની ટીમ ઘટના સ્થળે પહોંચી ગઈ હતી. જે બાદ કુવાની જાળી હટાવીને બાળકીના મૃતદેહને બહાર કાઢવામાં આવ્યો હતો.
સ્થાનિકોએ જણાવ્યું હતું કે જે કૂવામાંથી બાળકીનો મૃતદેહ મળ્યો હતો, તે કૂવો છલોછલ ભરાયેલો હતો. પ્રાથમિક દ્રષ્ટિએ એવું લાગે છે કે માસૂમની હત્યા કર્યા બાદ લાશને કૂવામાં ફેંકી દીધી હતી અને ઉપરથી જાળી બંધ કરી દીધી હતી. તે જ સમયે, કોઈ એવું પણ કહેતું જોવા મળ્યું હતું કે, છોકરીને કૂવામાં જીવતી ફેંકી દેવામાં આવી છે. પરંતુ પોલીસનું કહેવું છે કે પીએમ રિપોર્ટ બાદ જ કંઈક સ્પષ્ટ થશે કે બાળકીનું મોત કેવી રીતે થયું.
આ મામલમાં ગોરખપુર પોલીસે જણાવ્યું કે, મ્યુનિસિપલ કોર્પોરેશન ઝોન ઓફિસ 3 માં રહેતી અમોલી પ્રજાપતિ બપોરે 2 વાગ્યે રમતી-રમતી અચાનક ઘરમાંથી ગાયબ થઈ ગઈ હતી. ઘટનાની માહિતી મળતાં જ એસપી સિદ્ધાર્થ બહુગુણા સહિત તમામ પોલીસ દળો રેલ્વે સ્ટેશન, બસ સ્ટેન્ડ, હોટેલ, લોજ, ધર્મશાળા વગેરે સ્થળોએ અમોલીને શોધવા નીકળી પડ્યા હતા.
Trending News
પોલીસની અનેક ટીમો અમોલીની શોધમાં લાગી ગઈ હતી. તે દરમિયાન મંગળવારે સવારે પોલીસને સુચના મળી હતી કે ઝોન ઓફિસ પાસે શક્તિનગર રોડ પર બનાવેલા કૂવામાં અમોલીની લાશ પડી છે. ઘટનાની જાણ થતાં જ એફએસએલ સહિતનો ભારે પોલીસ કાફલો ઘટના સ્થળે પહોંચી ગયો હતો. પોલીસે તાત્કાલિક બાળકીની લાશને કૂવામાંથી બહાર કાઢી પંચનામા કર્યા બાદ પીએમ માટે મોકલી આપી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.