“પાકિસ્તાનીઓ કો કાશ્મીર ચાહિયે, ઔર હિન્દુસ્તાનીઓ પાકિસ્તાની કે સર” સર્જીકલ સ્ટ્રાઇકનું ટ્રેલર જોયું?

બે વર્ષ અગાઉ કાશ્મીરનાં ઉરી બેઝ કેમ્પ પર લશ્કરી ડ્રેસમાં ઘુસી આવેલા આતંકવાદીઓએ નિ:શસ્ત્ર સૈન્ય જવાનો પર હૂમલો કરી દીધો. જેમાં 19 જવાનો શહીદ થઇ ગયા. આતંકવાદીઓની આ હરકતથી સમગ્ર દેશમાં સરકાર વિરોધમાં અસંતોષ વ્યાપી ગયો. જેના પ્રેશરથી સરકારે સર્જીકલ સ્ટ્રાઇક જેવું પગલું ઉઠાવ્યું અને અનેક આતંકવાદીઓને ઠાર મારીને ન માત્ર પોતાનાં જવાનોનો બદલો લીધો પરંતુ પાકિસ્તાનને પણ માત્ર બોલીને નહી એક્શન કરીને ચેતવણી આપી હતી.

ભારતીય જવાનોની શહાદત અને ત્યાર બાદ જવાનોની બહાદુરીભરી સર્જીકલ સ્ટ્રાઇક જેવા પગલાની વાર્તા પડદા પર લઇને આવી રહી છે ફિલ્મ ઉરી.. જેનું ટ્રેલર થોડા સમય પહેલા જ રીલિઝ થયું છે. ટ્રેલરની શરૂઆત તે વિઝ્યુઅલ્સ સાથે થાય છે જ્યારે ઉરીના બેઝ કેમ્પ પર હૂમલો થાય છે. આપણા 19 જવાનો શહીદ થાય છે. સેનામાં પણ આંતરિક રીતે આ ઘટના મુદ્દે ગુસ્સો ફાટી નિકળે છે. કઇ રીતે સૈન્ય અધિકારીઓ મળીને સર્જીકલ સ્ટ્રાઇકનું પ્લાનિંગ કરે છે. અને સફળ રીતે સ્ટ્રાઇક કરે પણ છે.