November 25, 2024
ગુજરાત(Gujarat): અમદાવાદમાં 26 જુલાઈ 2008ના રોજ થયેલા સિરિયલ બ્લાસ્ટ(Ahmedabad Serial Blast) કેસમાં 14 વર્ષ માટે ચુકાદો આપવામાં આવ્યો છે. આ કેસમાં 49 દોષિતોને 14 ફેબ્રુઆરીના રોજ સિવિલ કોર્ટમાં સુનાવણી થઈ હતી, જેમાં સરકારના વકીલોએ કોર્ટમાં દલીલ કરી હતી. 11 અને 14 ફેબ્રુઆરીએ કોર્ટે બચાવ પક્ષ અને સરકારની દલીલો સાંભળી હતી. અત્યારે આ મામલાની સુનાવણી ચાલી રહી છે. કોર્ટે 38 આરોપીઓને ફાંસીની અને 11ને આજીવન કેદની સજા ફટકારી છે. દેશના ઈતિહાસમાં કોર્ટે ઐતિહાસિક ચુકાદો(Historic judgment) આપ્યો છે.
અગાઉ પૂર્વ વડાપ્રધાન રાજીવ ગાંધીની હત્યાના આરોપમાં 26 લોકોને ફાંસીની સજા સંભળાવવામાં આવી હતી. આરોપીઓ હાલ અમદાવાદ, મધ્યપ્રદેશ, બિહાર અને મહારાષ્ટ્રની જેલમાં બંધ છે. મૃતકોને 1 લાખ રૂપિયા, ઘાયલોને 50 હજાર રૂપિયા અને સામાન્ય ઘાયલોને 25 હજાર રૂપિયાનું વળતર આપવાનો આદેશ આપવામાં આવ્યો છે.
જાણો શું કરવામાં આવી હતી દલીલ:
સરકાર તરફી વકીલોએ દલીલ કરી હતી કે તે આતંકવાદનું કૃત્ય હતું જે સાબિત થયું હતું. સાથે કહ્યું કે, રેરેસ્ટ ઓફ રેર કેસ છે. આ ઘટનામાં નિર્દોષ લોકોએ જીવ ગુમાવ્યા, ઘણા લોકો ઘાયલ થયા. તેના સંબંધીઓની સ્થિતિને કોર્ટે ધ્યાને લીધી છે. કોર્ટ વળતરનો આદેશ પણ આપે છે. દેશ વિરુદ્ધ હત્યા, કાવતરું, આતંકવાદ અને યુદ્ધ સાબિત થયું છે. તેથી આરોપીઓને મહત્તમ સજા થવી જોઈએ. આરોપીઓ પર દયા ન રાખવી જોઈએ.
Trending News
અમદાવાદ સીરીયલ બ્લાસ્ટની સંપૂર્ણ ટાઈમ લાઇન:
અમદાવાદમાં 26 જુલાઈ 2008ના રોજ સિરિયલ બ્લાસ્ટ થયો હતો. અમદાવાદમાં સાંજે 6.30 થી 8.10 વાગ્યા સુધી 20 અલગ-અલગ જગ્યાએ 21 બ્લાસ્ટ થયા હતા. જેમાં હાટકેશ્વર, નરોડા, સિવિલ હોસ્પિટલ, એલજી હોસ્પિટલ, ઇસનપુર, ખાડિયા, નારોલ સર્કલ, જવાહર ચોક, ગોવિંદ વલી, રાયપુર ચકલા, સારંગપુર, બાપુનગર, ઠક્કર બાપા નગર, સરખેજનો સમાવેશ થાય છે. આ ઘટનામાં 56 લોકો માર્યા ગયા અને 240 લોકો ઘાયલ થયા હતા.
આશિષ ભાટિયા, અભય ચુડાસમા, હિમાશુ શુક્લા, ઉષા રાધા અને મુઇર ચાવડા સહિતના ઉચ્ચ અધિકારીઓની ટીમે આ મામલાની તપાસ માટે દિવસ-રાત કામ કર્યું હતું. તેમની મહેનતનું પરિણામ 19 દિવસમાં 30 આરોપીઓની ધરપકડ કરવામાં આવી. આ કેસમાં 77 આરોપીઓ પર 14 વર્ષ સુધી વિશેષ અદાલતમાં કેસ ચાલ્યો હતો. સુપ્રીમ કોર્ટના આદેશ બાદ કોરોના મામલે રોજેરોજની સુનાવણી દરમિયાન પણ આ મામલાની સુનાવણી થઈ હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.