November 24, 2024
આ દિવસોમાં સોશિયલ મીડિયા પર એક વીડિયો ખૂબ જ વાયરલ થઈ રહ્યો છે, જેમાં એક વ્યક્તિ પોતાના જીવની પરવા કર્યા વગર જ રસ્તા પર દોડતા એક બાળકને બચાવવા દોડે છે. આ વીડિયોમાં સ્પષ્ટ રીતે જોઈ શકાય છે કે, એક નાનું બાળક રસ્તાની બાજુમાં ઊભું છે, જેની ઉંમર અંદાજીત 4 કે 5 વર્ષની હશે. તેની બાજુમાં એક સ્કૂટી પણ ઉભી છે. તેમજ ત્યાં બાજુમાં એક દુકાન પણ છે અને કેટલાક લોકો પણ દેખાય આવે છે. રસ્તા પરથી એક બાઇક ઝડપથી પસાર થાય છે. ત્યાર પછી બાળક અચાનક રસ્તો ક્રોસ કરવા દોડવા લાગે છે. ત્યારે બાળકને રસ્તા પર દોડતા જોઈને એક વ્યક્તિ પણ તેની પાછળ દોડે છે.
બાળકનું જીવન બચ્યું:
આ હ્રદયસ્પર્શી વિડિયો જોયા પછી દરેક વ્યક્તિના રુંવાડા ઉભા થઇ ગયા હશે. જેવી બાઈક રોડની વચ્ચે પહોંચે છે, ત્યારે એક સ્પીડિંગ ટ્રક આવે છે, પરંતુ તે પહેલા જ વ્યક્તિએ બાળકને પોતાની તરફ ખેંચી લીધો હતો. ટ્રકનો ડ્રાઈવર પણ અચાનક બ્રેક લગાવી દે છે.
Trending News
રીયલ લાઈફનો હીરો:
આ માણસ ‘શક્તિમાન’ કે ‘સુપરમેન’ જેવો સુપરહીરો નહોતો, પરંતુ આપણા જેવો સામાન્ય માણસ જ હતો. ત્યાં અન્ય લોકો પણ હાજર હતા, પરંતુ તેણે બચાવવાનો પહેલો નિર્ણય લીધો હતો અને દોડીને તે બાળકનો જીવ બચાવ્યો હતો.
વિડીયો જોતા લોકો તારીફ કરી રહ્યા છે:
સદનસીબે તે વ્યક્તિની નજર બાળક પર પડી અને ટ્રકને ખૂબ જ ઝડપે આવતા જોઇને અને તેને બચાવવા દોડ્યો હતો. આ વીડિયો ક્યાંનો છે, તે બાળક અને તે વ્યક્તિ કોણ હતો તેની માહિતી મળી નથી. પરંતુ સોશિયલ મીડિયા યુઝર્સ હાલ તે રિયલ લાઈફ હીરોના વખાણ કરી રહ્યા છે. લોકો તેની હિંમતની પણ પ્રશંસામાં ટિપ્પણી કરી રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.