November 05, 2024
Russia Ukraine News: યુક્રેન(Ukraine) સાથે ચાલી રહેલા મડાગાંઠ વચ્ચે રશિયાએ યુદ્ધની ઘોષણા કરી છે. રશિયા(Russia)ના રાષ્ટ્રપતિ પુતિને(Putin) ઔપચારિક રીતે લશ્કરી કાર્યવાહીની જાહેરાત કરી છે. તે જ સમયે, યુદ્ધની ઘોષણા પછી, સંયુક્ત રાષ્ટ્ર (UN) એ પુતિનને યુદ્ધ બંધ કરવાની અપીલ કરી છે. યુએનએ કહ્યું છે કે રશિયાએ તેના સૈનિકોને હુમલા કરતા અટકાવવા જોઈએ.
રાજધાની કિવમાં વિસ્ફોટો શરૂ થયા
ન્યૂઝ એજન્સી એએફપીના જણાવ્યા અનુસાર રશિયાના યુદ્ધની ઘોષણા બાદ યુક્રેનની રાજધાની કિવમાં વિસ્ફોટના અહેવાલો છે. રાષ્ટ્રપતિ પુતિન કહે છે કે, યુક્રેન લાલ રેખા પાર કરી ગયું છે.
રશિયાએ યુક્રેનના 2 વિસ્તારોને અલગ કર્યા
તમને જણાવી દઈએ કે રશિયા અને યુક્રેન વચ્ચે છેલ્લા ઘણા દિવસોથી તણાવ યથાવત છે. આ અંગે યુરોપ સહિત પશ્ચિમી દેશોએ બંને દેશોને વાતચીતના સ્તરેથી ઉકેલ શોધવા કહ્યું હતું. દરમિયાન, રશિયાએ યુક્રેનના બે પ્રદેશોને અલગ દેશ તરીકે માન્યતા આપી. આ પછી અમેરિકા અને યુરોપ સહિત અન્ય દેશોએ રશિયા પર ઘણા પ્રતિબંધો લગાવ્યા.
Trending News
રશિયાએ કહ્યું- કબજો કરવાનો કોઈ ઈરાદો નથી
પ્રતિબંધો છતાં રશિયાએ આજે યુદ્ધની જાહેરાત કરી છે. ન્યૂઝ એજન્સી એએફપી અનુસાર રાષ્ટ્રપતિ પુતિને ઔપચારિક રીતે યુદ્ધની જાહેરાત કરી દીધી છે. આવી સ્થિતિમાં આખી દુનિયા થંભી ગઈ છે. સંયુક્ત રાષ્ટ્રએ પુતિનને યુદ્ધ બંધ કરવા કહ્યું છે. સાથે જ પુતિનનું કહેવું છે કે યુક્રેન પર કબજો કરવાનો કોઈ ઈરાદો નથી.
અમે યુદ્ધને તાત્કાલિક રોકવા માટે અપીલ કરીએ છીએઃ ભારત
રશિયા-યુક્રેન વિવાદ પર સંયુક્ત રાષ્ટ્રમાં ભારતના સ્થાયી પ્રતિનિધિ ટી.એસ. તિરુમૂર્તિએ કહ્યું કે અમે યુદ્ધને તાત્કાલિક સ્થગિત કરવાની અપીલ કરીએ છીએ, પરિસ્થિતિ મોટા સંકટમાં ફેરવાઈ જવાની અણી પર છે. જો તેને કાળજીપૂર્વક સંભાળવામાં ન આવે તો તે સુરક્ષાને નબળી બનાવી શકે છે. તમામ પક્ષકારોની સુરક્ષાને ધ્યાનમાં રાખવી જોઈએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.