November 15, 2024
બાલ્ટીમોર(અમેરિકા): હાલમાં જ માહિતી મળી આવી છે કે, લગભગ બે મહિના પહેલા એક અભૂતપૂર્વ પ્રયોગમાં અમેરિકામાં એક વ્યક્તિનું મૃત્યુ થયું છે જેને ડુક્કરનું હૃદય આપવામાં આવ્યું હતું. સર્જરી કરનાર મેરીલેન્ડ હોસ્પિટલે(Maryland Hospital) બુધવારે આ જાહેરાત કરી હતી. ડેવિડ બેનેટ(David Bennett, 57)નું મંગળવારે યુનિવર્સિટી ઓફ મેરીલેન્ડ મેડિકલ સેન્ટરમાં અવસાન થયું.
ડૉક્ટરોએ તેમના મૃત્યુનું કારણ જણાવ્યું નથી, પરંતુ કહ્યું છે કે તેમની સ્થિતિ ઘણા દિવસો પહેલા બગડવાની શરૂ થઈ ગઈ હતી. બેનેટના પુત્રએ આ નવતર પ્રયોગ માટે હોસ્પિટલની પ્રશંસા કરી. મળેલી માહિતી અનુસાર બેનેટે લગભગ 2 મહિના પહેલા 7 જાન્યુઆરીના રોજ સર્જરી કરાવી હતી. તેના પુત્રએ કહ્યું કે તેના પિતા જાણતા હતા કે પ્રયોગ સફળ થવાની કોઈ ગેરંટી નથી.
ડોક્ટરોના જણાવ્યા અનુસાર, શરૂઆતમાં બેનેટનું શરીર ડુક્કરના હૃદય સાથે કામ કરતું હતું, અને મેરીલેન્ડ હોસ્પિટલે સમયાંતરે અપડેટ કર્યું કે બેનેટ ધીમે ધીમે સ્વસ્થ થઈ રહ્યો છે. ગયા મહિને, હોસ્પિટલે તેના ફિઝિકલ થેરાપિસ્ટ સાથે કામ કરતી વખતે તેના હોસ્પિટલના પલંગ પરથી ફૂટબોલ મેચ જોતો તેનો વીડિયો પણ બહાર પાડ્યો હતો.
Trending News
‘બીજો કોઈ વિકલ્પ નહોતો’:
એક રીપોર્ટ અનુસાર, 8 જાન્યુઆરી, 2021 ના રોજ, વિશ્વમાં પ્રથમ વખત, ડોકટરોએ અમેરિકામાં માનવીનો જીવ બચાવવા માટે પિગ હાર્ટ ટ્રાન્સપ્લાન્ટનો પ્રયાસ કર્યો હતો. મેરીલેન્ડ હોસ્પિટલના ડોકટરોનું માનવું હતું કે તેનો જીવ બચાવવા માટે આના સિવાય બીજો કોઈ વિકલ્પ નહોતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.