November 08, 2024
જમ્મુ-કાશ્મીરના કુલગામમાં (Kulgam of Jammu and Kashmir) ગુરુવારે આતંકવાદીઓએ એક બેંક કર્મચારીની ગોળી મારીને હત્યા કરી દીધી હતી. આતંકવાદી સંગઠન કાશ્મીર ફ્રીડમ ફાઈટર્સ (KFF)એ આની જવાબદારી લીધી છે. આટલું જ નહીં KFFએ પત્ર જારી કરીને ચેતવણી પણ આપી છે. આતંકવાદી સંગઠને કહ્યું કે, જે પણ કાશ્મીરના ડેમોગ્રાફિક પરિવર્તનમાં સામેલ છે, તેનું પરિણામ એ જ આવશે.
આતંકવાદી સંગઠન કાશ્મીર ફ્રીડમ ફાઈટર્સે એક પત્ર જારી કરીને કહ્યું છે કે, “કુલગામમાં અમારા કેડરએ ગુપ્ત માહિતીના આધારે ઓપરેશન કર્યું હતું. જેમાં બેંક કર્મચારી વિજય કુમારનું મોત થયું હતું. કાશ્મીરના ડેમોગ્રાફિક ચેન્જમાં જે પણ સામેલ હશે તેનું પરિણામ એ જ આવશે.
પત્રમાં આગળ લખવામાં આવ્યું છે કે, “તે બહારના લોકો માટે આંખ ખોલનારી છે જેઓ છેતરપિંડી હેઠળ જીવી રહ્યા છે કે મોદીની આગેવાનીવાળી સરકાર તેમને અહીં કાયમી કરશે. હવે બહારના લોકોએ વાસ્તવિકતા સમજવી જોઈએ કે આ માટે તેઓએ પોતાનો જીવ ગુમાવવો પડશે. વિચારો, હજુ મોડું નથી થયું અને હવે પછીનો વારો તમારો છે.”
Trending News
આ દિવસોમાં કાશ્મીરમાં ટાર્ગેટ કિલિંગની ઘટનાઓમાં વધારો થયો છે. ગુરુવારે, આતંકવાદીઓએ કુલગામના મોહનપોરામાં સ્થાનિક ગ્રામીણ બેંકમાં તૈનાત વિજય કુમારની ગોળી મારીને હત્યા કરી હતી. આ પહેલા મંગળવારે કુલગામમાં જ આતંકવાદીઓએ એક હિન્દુ મહિલા શિક્ષકની ગોળી મારીને હત્યા કરી હતી. મે મહિનામાં આતંકવાદીઓએ કાશ્મીરી પંડિત રાહુલ ભટ્ટની બડગામમાં તેમની ઓફિસમાં ઘૂસીને હત્યા કરી હતી. રાહુલ ભટ્ટ તાલુકામાં નોકરી કરતો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.