November 16, 2024
ઉત્તરાખંડ (Uttarakhand)ના બાગેશ્વર(Bageshwar) જિલ્લામાંથી એક ચોંકાવનારો કિસ્સો સામે આવ્યો છે. વાસ્તવમાં, અહીંના રાયખોલી(Raikholi) વિસ્તારની એક સરકારી શાળા (Government School)માં, વિદ્યાર્થીઓના જૂથે અચાનક ચીસો પાડવાનું શરૂ કર્યું, માથું પછાડ્યું અને જમીન પર પટકાવાનું શરૂ કર્યું. આ દૃશ્ય ખૂબ જ ડરામણું હતું. આ જોઈને ત્યાં હાજર શાળાના શિક્ષક અને અન્ય સ્ટાફ પણ ધ્રૂજી ગયો. તેઓ જાણતા ન હતા કે શું કરવું? શાળાના શિક્ષકે બૂમો પાડતી વિદ્યાર્થિનીઓને શાંત પાડવાની ઘણી કોશિશ કરી, પરંતુ તે શાંત ન થઈ અને તેણે આવુ કેમ કરી રહી છે તેનું કારણ જણાવ્યું નહીં? આ ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
શાળામાં છોકરીઓ ચીસો પાડવા લાગી:
મળતી માહિતી અનુસાર, શાળાની મુખ્ય શિક્ષિકા વિમલા દેવીએ જણાવ્યું કે વિદ્યાર્થિનીઓના વર્તનમાં પહેલો ફેરફાર મંગળવારે જોવા મળ્યો. ગુરુવારે ફરી એ જ ઘટના બની. તે રડવા લાગી અને જોરથી ચીસો પાડવા લાગી. આ સિવાય તેણીએ તેનું માથું પણ દિવાલ પર મારવાનું શરૂ કર્યું. આ ઘટના બાદ અમે તેના માતા-પિતાને તેની જાણ કરી હતી. જોકે હવે સ્થિતિ કાબુમાં છે.
Trending News
આવો નજારો વાયરલ વીડિયોમાં જોવા મળ્યો હતો:
વાયરલ વીડિયોમાં જોવા મળી રહ્યું છે કે, ઘણી વિદ્યાર્થીનીઓ ક્લાસ છોડીને સ્કૂલના મેદાનમાં જમીન પર બેસી રહી છે. તે સતત ચીસો પાડી રહી છે અને રડી રહી છે. શિક્ષકો તેમને શાંત પાડવાનો પ્રયાસ કરી રહ્યા છે પરંતુ તેઓ સફળ થતા નથી. શાળામાં ચારે તરફ રડવાનો અવાજ આવી રહ્યો છે.
માસ હિસ્ટીરિયા શું છે?
હવે એવી આશંકા વ્યક્ત કરવામાં આવી રહી છે કે, માસ હિસ્ટીરિયાના કારણે આવું બન્યું હશે. માસ હિસ્ટીરિયા એ એક એવી સમસ્યા છે, જ્યારે ઘણા લોકો અચાનક અસામાન્ય વર્તન કરવાનું શરૂ કરે છે. તે સમાન આરોગ્ય લક્ષણો અથવા વિચારો અને લાગણીઓ દર્શાવે છે. નિષ્ણાતો માને છે કે માસ હિસ્ટીરિયા એ એક પ્રકારનું કન્વર્ઝન ડિસઓર્ડર અથવા માનસિક સ્થિતિ છે. તેમાં ભાવનાત્મક અથવા માનસિક તણાવ દ્વારા પ્રેરિત શારીરિક લક્ષણોનો સમાવેશ થાય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.