November 24, 2024
દેશમાં કોરોના(Corona)ની રફતાર સતત વધી રહી છે. ત્યારે છેલ્લા 24 કલાકમાં ભારતમાં એક જ દિવસમાં કોરોના વાયરસના 20,408 નવા કેસ નોંધાયા બાદ દેશમાં સંક્રમિત લોકોની સંખ્યા વધીને 4,40,00,138 થઈ ગઈ છે. તે જ સમયે, સારવાર હેઠળના દર્દીઓની સંખ્યા ઘટીને 1,43,384 થઈ ગઈ છે.
દેશમાં કોરોના સંક્રમણને કારણે વધુ 44 દર્દીઓના મોતને કારણે મૃત્યુઆંક વધીને 5,26,312 થઈ ગયો છે. દેશમાં કોવિડ-19ની સારવાર હેઠળ દર્દીઓની સંખ્યા ઘટીને 1,43,384 પર આવી ગઈ છે, જે કુલ કેસના 0.33 ટકા છે. દર્દીઓનો રાષ્ટ્રીય રિકવરી રેટ 98.48 ટકા છે.
છેલ્લા 24 કલાકમાં 44 મોત:
છેલ્લા 24 કલાકમાં 44 મૃત્યુમાંથી મહારાષ્ટ્ર અને પશ્ચિમ બંગાળમાં છ-છ મોત થયા છે. આ સિવાય હરિયાણા અને કર્ણાટકમાં ચાર-ચાર, ગુજરાત, પંજાબ અને ઉત્તર પ્રદેશમાં ત્રણ-ત્રણ, બિહાર, છત્તીસગઢ, જમ્મુ અને કાશ્મીર અને મધ્ય પ્રદેશ, ચંદીગઢ, દિલ્હી, ગોવા, હિમાચલ પ્રદેશ, કેરળ, ઓડિશા અને સિક્કિમમાં બે-બે. જેમાં એક મોત સામેલ છે.
Trending News
મહારાષ્ટ્રમાં અત્યાર સુધીમાં સૌથી વધુ 1,48,097 મૃત્યુ થયા છે:
દેશમાં અત્યાર સુધીમાં કુલ 5,26,312 મૃત્યુ પૈકી મહારાષ્ટ્રમાં સૌથી વધુ 1,48,097 મૃત્યુ થયા છે. કેરળમાં 70,451, કર્ણાટકમાં 40,143, તમિલનાડુમાં 38,032, દિલ્હીમાં 26,308, ઉત્તર પ્રદેશમાં 23,565 અને પશ્ચિમ બંગાળમાં 21,352 લોકોના મોત થયા છે.
આરોગ્ય મંત્રાલયે કહ્યું છે કે ચેપનો ભોગ બનેલા 70 ટકાથી વધુ લોકોને ગંભીર બીમારીઓ હતી. મંત્રાલયે તેની વેબસાઈટ પર જણાવ્યું કે, “અમારા ડેટાને ઈન્ડિયન કાઉન્સિલ ઓફ મેડિકલ રિસર્ચ (ICMR)ના ડેટા સાથે તાલમેલ કરવામાં આવી રહ્યો છે.”
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.