November 24, 2024
Pramukh Swami Maharaj Shatabdi Mahotsav: પ્રમુખ સ્વામી મહારાજની જન્મ શતાબ્દી મહોત્સવ ઉજવવા માટે ખૂબ જ મોટા સ્કેલ પર આયોજન કરવામાં આવ્યું છે અને જેનું મેનેજમેન્ટ વર્લ્ડ ફેમસ છે એવી BAPS સંસ્થા દ્વારા 15 ડિસેમ્બરથી 15 જાન્યુઆરીના 1 મહિના સુધી આ મહોત્સવનું ભવ્ય રીતે આયોજન કરવામાં આવ્યું છે. ત્યારે પ્રમુખ સ્વામી નગરના દર્શનાર્થે લોકગાયિકા કિંજલ દવે આવ્યા હતા.
મહત્વનું છે કે, અમદાવાદમાં પ્રમુખસ્વામી મહારાજના જન્મ શતાબ્દી મહોત્સવની ભવ્યથી ભવ્ય રીતે ઉજવણી કરવામાં આવી રહી છે. ત્યારે લોક ગાયિકા કિંજલ દવે પણ પ્રમુખસ્વામીનગરની મુલાકાતે આવી પહોચ્યા હતા. 80 હજાર કરતા પણ વધુ હરિભક્તો દ્વારા અહીંયા કરવામાં આવી રહેલા આયોજનથી તેઓ ખૂબ પ્રભાવિત થયા હતા. કિંજલ દવેએ જણાવતા કહ્યું હતું કે, પ્રમુખસ્વામી મહારાજના આદર્શોને યાદ કર્યા અને સૂરીલા અંદાજમાં ગીત ગાયું હતું.
Trending News
કિંજલ દવેએ વધુમાં ઉમેરતા કહ્યું હતું કે, પ્રમુખસ્વામીનગરનું આયોજન જોઈને એવું જ લાગે કે વિશ્વની મોટી મેનેજમેન્ટ કંપની અહીંયા આવીને આયોજન સંભાળી રહી છે અને મને અહીંયા દરેક જગ્યાએ હરિભક્તોને બાપા પ્રત્યેનો સમપર્ણ ભાવ જોવા મળ્યો છે.
આ અગાઉ તારક મહેતા કા ઉલટા ચશ્મામાં પાત્ર જેઠાલાલના નામે ઘરે-ઘરે જાણીતા દિલીપ જોશી સહપરિવાર પ્રમુખ સ્વામી નગરમાં આવી પહોંચ્યા હતા. અહીં તેમણે મીડિયાને સંબોધતા કહ્યું હતું કે, પ્રમુખ સ્વામી મહારાજની જન્મ શતાબ્દી ઉજવવા માટે ખૂબ જ મોટા સ્કેલ પર આયોજન કરવામાં આવ્યું છે અને જેનું મેનેજમેન્ટ વર્લ્ડ ફેમસ છે એવી BAPS સંસ્થા દ્વારા 15 ડિસેમ્બરથી 15 જાન્યુઆરીના 1 મહિના સુધી આ મહોત્સવનું ભવ્ય રીતે આયોજન કરવામાં આવ્યું છે.
અમે તમને જણાવી દઈએ કે,વર્તમાન કાળે પરમ પૂજ્ય મહંતસ્વામી મહારાજની નિશ્રામાં BAPS સંસ્થા 160 કરતાંય વધુ પ્રવૃતિઓથી પ્રત્યેક માનવના સર્વતોમુખી ઉત્કર્ષ માટે અભૂતપૂર્વ આધ્યાત્મિક, સામાજિક અને સાંસ્કૃતિક સેવાઓની ભાગીરથી વહાવી રહી છે. નૈતિક મૂલ્યોનું પ્રસારણ હોય, વ્યસનમુક્તિ હોય, પર્યાવરણ સંરક્ષણ હોય કે આદિવાસી ઉત્થાન હોય, પ્રમુખસ્વામી મહારાજની કરુણા પ્રત્યેક વર્ણ-વય, જ્ઞાતિ-જાતિ, દેશ-વેશ અને ધર્મ-કર્મની વ્યક્તિઓ પર વરસી છે.
અમે તમને જણાવી દઈએ કે, 1200 કરતાં વધુ મંદિરોના સર્જનથી, 5000 થી વધુ સત્સંગ કેન્દ્રો દ્વારા, 100 થી અધિક શાળાઓ અને હૉસ્પિટલોના નિર્માણથી પ્રમુખસ્વામી મહારાજે વિશ્વનું કલ્યાણ કર્યું છે. પવિત્રતાથી પરિપૂર્ણ એવા પ્રમુખસ્વામી મહારાજ દ્વારા નિર્મિત 1100 કરતાં વધુ સંતો, 7,050,00 કરતાં વધુ લખાયેલાં પત્રો, 17,000 થી વધુ ગામોમાં કરાયેલા વિચરણ અને 2,050,00 કરતાં વધુ ઘરોમાં પધરામણી દ્વારા તેમણે લાખો મનુષ્યોનું જીવન ધન્ય કર્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.