November 24, 2024
LPG Cylinder Price reduced: કેન્દ્ર સરકારે 19 કિલોના કોમર્શિયલ એલપીજી સિલિન્ડરની કિંમતમાં ઘટાડો કરીને ગ્રાહકોને ક્રિસમસ અને નવા વર્ષની પૂર્વ ભેટ આપી છે. ઓઇલ માર્કેટિંગ કંપનીઓએ કોમર્શિયલ એલપીજી સિલિન્ડરની કિંમતમાં ₹39.50નો ઘટાડો કર્યો છે.(LPG Cylinder Price reduced) હવે દિલ્હીમાં 19 કિલોનો ગેસ સિલિન્ડર 1757.50 રૂપિયામાં મળશે. જોકે, ઘરેલુ એલપીજી સિલિન્ડરની કિંમતોમાં કોઈ ફેરફાર કરવામાં આવ્યો નથી. કિંમતમાં ઘટાડો આજથી એટલે કે 22મી ડિસેમ્બરથી લાગુ થશે.
એલપીજીની કિંમતમાં ઘટાડાથી હોટલ અને રેસ્ટોરન્ટ જેવા કોમર્શિયલ એલપીજી યુઝર્સને થોડી રાહત મળી છે. અગાઉ દિલ્હીમાં કોમર્શિયલ સિલિન્ડરની કિંમત 1796.50 રૂપિયા, મુંબઈમાં 1749 રૂપિયા, કોલકાતામાં 1908 રૂપિયા અને ચેન્નાઈમાં 1968.50 રૂપિયા હતી. 39.50 રૂપિયાના ભાવ ઘટાડા બાદ કોમર્શિયલ સિલિન્ડર હવે કોલકાતામાં 1869 રૂપિયા, મુંબઈમાં 1710 રૂપિયા અને ચેન્નાઈમાં 1929.50 રૂપિયામાં મળશે.
નવેમ્બરમાં સિલિન્ડરની કિંમતમાં ₹57નો ઘટાડો
છેલ્લા કેટલાક સમયથી કોમર્શિયલ એલપીજી સિલિન્ડરના ભાવમાં લગભગ દર મહિને વધઘટ થઈ રહી છે. આ પહેલા 1 ડિસેમ્બરે 19 કિલોના એલપીજી સિલિન્ડરની કિંમતમાં ફેરફાર કરવામાં આવ્યો હતો. તે જ સમયે, 16 નવેમ્બરે, કોમર્શિયલ એલપીજી સિલિન્ડરની કિંમતમાં 57 રૂપિયાનો ઘટાડો કરવામાં આવ્યો હતો. ઘરેલુ એલપીજી સિલિન્ડરની વાત કરીએ તો ઓગસ્ટથી તેના દરોમાં કોઈ ફેરફાર કરવામાં આવ્યો નથી.
Trending News
ઑગસ્ટથી ઘરેલુ એલપીજી સિલિન્ડરના ભાવમાં કોઈ ફેરફાર થયો નથી
છેલ્લી વખત 30 ઓગસ્ટ 2023ના રોજ ઘરેલુ એલપીજી સિલિન્ડરની કિંમતમાં 200 રૂપિયાનો ઘટાડો કરવામાં આવ્યો હતો. ઈન્ડિયન ઓઈલની વેબસાઈટ અનુસાર, બિન-સબસિડીવાળા ઘરેલુ એલપીજી સિલિન્ડરની કિંમત દિલ્હીમાં 903 રૂપિયા, કોલકાતામાં 929 રૂપિયા અને મુંબઈમાં 902.50 રૂપિયા છે. જ્યારે ચેન્નાઈમાં LPG ગેસની કિંમત 918.50 રૂપિયા પ્રતિ સિલિન્ડર છે. તમને જણાવી દઈએ કે એલપીજી સિલિન્ડરની કિંમતોમાં ફેરફાર આંતરરાષ્ટ્રીય બજારમાં ગેસની કિંમતોમાં થતી વધઘટ પર નિર્ભર કરે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube