September 19, 2024
સુરતના પાંડેસરા વિસ્તારમાં પોલીસે પોલીસ ચોકીનું (pandesara police station) ગેરકાયદે પાક્કું બાંધકામ ફૂટપાથ પર ઉભું કરી દીધું છે. ગરીબ ફેરિયાઓના લારી-ગલ્લાના દબાણ દૂર કરવા માટે ફોજ લઈને ઉતરી પડતા સુરત મહાનગર પાલિકાને પાંડેસરામાં પોલીસ ચોકીનું પાક્કું બાંધકામ દેખાતું નહીં હોય તેમ લાગે છે. કારણકે ચોકીના બાંધકામ વિરુદ્ધમાં કોઈ જ કાર્યવાહી મનપા તંત્ર દ્વારા કરાઈ નથી.ત્યારે આ અંગે સુરતના એક સ્થાનિકે ગૃહ રાજ્ય મંત્રી, રાજ્ય પોલીસ વડા, સુરત પોલીસ કમિશ્નર અને સુરત મહાનગરપાલિકાના કમિશ્નરને ફરિયાદ કરી છે.
ડિમોલીશન કરવા અરજી કરી
સુરતના એક આરટીઆઈ એક્ટિવિસ્ટએ પાંડેસરામાં આવેલી ગુજરાત હાઉસિંગ બોર્ડની પોલીસ ચોકીને ગેરકાયદે ગણાવી તેનું ડિમોલીશન કરવા અરજી કરી છે. ગૃહ રાજ્યમંત્રી હર્ષ સંઘવી, પોલીસ મહાનિર્દેશક વિકાસ સહાય, પોલીસ કમિશનર અનુપમસિંહ ગેહલોત અને સુરત મનપા કમિશનરને મોકલેલી આ અરજીમાં સંજ્ય ઇઝાવાએ ગેરકાયદે ચોકીને તોડી પાડવા વિનંતી કરી છે. તેમજ આ મામલે અરજદારે સવાલ ઉઠાવ્યા છે કે સામાન્ય નાગરીકોના દબાણ મુદ્દે કાર્યવાહી કરતુ પ્રશાસન આ પ્રકારના ગેરકાયદે બાંધકામ અંગે કેમ કાર્યવાહી નથી કરતું? જવાબદાર અધિકારીઓ સામે કાર્યવાહીની માંગ સાથે ગેરકાયદે બાંધકામ તોડી પાડવામાં વિલંબ કેમ થઈ રહ્યો છે? તેવો પણ સવાલ અરજીમાં કર્યો છે.
Trending News
જવાબદાર અધિકારીઓ સામે કાયદેસરના પગલા ભરવા માંગ
ફરિયાદીએ આક્ષેપ કર્યા છે કે, પોલીસ ખાતાએ કોઈ પણ કાયદેસરની પરવાનગી લીધા વગર, માર્જિન છોડ્યા વગર, ફૂટપાથ પર દબાણ કરીને ઈમારત બનાવી લોકોને ખોટા સંદેશો આપે છે. જેથી આ ઈમારત તાત્કાલિક ધોરણે તોડી પાડવી જોઈએ. પોલીસ ખાતાએ કાયદેસર મંજુરી લઈને નવું કાર્યાલય બનાવવા સરકારે હુકમ કરવો જોઈએ. આ ઉપરાંત ગેર કાયદેસર ઈમારત બનાવવા પાછળ જવાબદાર અધિકારીઓ સામે કાયદેસરના પગલા ભરવા જોઈએ.
જો કે આ વાત પણ એક મુદ્દાની વાત છે. હમણાં કોઈક સામાન્ય જનતા ગેરકાયદે દબાણ કરે તો મનપાની ટિમ ક્ષણભરનો પણ સમય નથી દેતી. જેમાં આપણે પાથરણાવાળાના ઉદાહરણ સારી રીતે જોઈએ છીએ. ત્યારે આ ઘટના જોતા એમ થાય છે કે કદાચ સામાન્ય જનતા અને પોલીસચોકી બનાવનાર અધિકારીઓ માટે કાયદો અલગ હશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App