January 31, 2025
Star Fruit Benefits: શિયાળામાં કેટલીક ખાસ વસ્તુઓ મળતી હોય છે, જેનું સેવન અવશ્ય કરી લેવું જોઈએ. શિયાળો એટલે હેલ્ધી વસ્તુઓ ખાવાની સિઝન. જેથી આ સિઝનમાં ખૂબ ખાવું જોઈએ અને હેલ્ધી ખાવું જોઈએ. આ સિઝનમાં મળતાં શાકભાજી અને ફ્રૂટ્સ (Star Fruit Benefits) ખાઈ લેવાથી આખું વર્ષ સ્વાસ્થ્ય જળવાય છે. આ સિઝનમાં એવું જ એક ખાસ ફ્રૂટ મળે છે જેનું નામ સ્ટાર ફ્રૂટ છે, એટલે કે કમરખ ફળ સ્ટાર જેવું દેખાય છે. જેથી તેને સ્ટાર ફ્રૂટ કહે છે. લોકો તેને કમરખના નામે ઓળખે છે. તે સામાન્ય રીતે સ્વાદમાં ખાટું હોય છે. પરંતુ તે પાકી ગયા બાદ મીઠું લાગે છે. આ ફળમાં અનેક પોષક તત્વો રહેલાં છે, જે શરીરને લાંબા સમય સુધી સ્વસ્થ રાખવામાં મદદ કરે છે. સ્ટાર ફ્રૂટમાં અનેક ઔષધીય ગુણો પણ રહેલાં છે. જે સ્વાસ્થ્ય માટે અનેક રીતે ફાયદાકારક હોય છે. આમાં કેલરી ઓછી અને ફાયબર વધુ પ્રમાણમાં હોય છે. આ સિવાય તેમાં વિટામિન બી, વિટામિન સી, સોડિયમ, પોટેશિયમ, આયર્ન અને અન્ય કેટલાક એન્ટીઓક્સીડેન્ટ પણ હોવાથી તેને ખાવાથી ગજબના ફાયદા મળે છે.
સોજા દૂર કરવામાં મદદગાર
એક રિપોર્ટ મુજબ સ્ટાર ફ્રૂટ વિટામિન સીનો બેસ્ટ સોર્સ છે. વિટામિન સી શરીરમાં રહેલાં હાનિકારક તત્વો દૂર કરવામાં મદદ કરે છે. આ શરીરમાં આવતા સોજાને પણ ઠીક કરે છે. આ સિવાય ફ્લૂ, શરદી-ખાંસીને પણ દૂર કરવામાં મદદ કરે છે.
હૃદય માટે બેસ્ટ-
કમરખ ફ્રૂટમાં સોડિયમ અને પોટેશિયમ હોય છે. જે બ્લડપ્રેશરને કંટ્રોલ કરવામાં મદદ કરે છે. તેમાં કેલ્શિયમ હોય છે, જે હાર્ટ માટે પણ ફાયદાકારક છે. સ્ટાર ફ્રૂટ ખાવાથી શરીરને ભરપૂર પોષક તત્વો મળી રહે છે. સાથે જ સ્ટ્રોક અને કાર્ડિયક અરેસ્ટ જેવા હાર્ટ ડિસીઝનો પણ ખતરો રહેતો નથી.
Trending News
ડાયાબિટીસમાં ફાયદારૂપ-
બોડીમાં બ્લડ શુગર લેવલ અને ઈન્શ્યુલિનને કંટ્રોલમાં રાખવા માંગો છો તો સ્ટાર ફ્રૂટ અવશ્ય ખાઓ. ફાયબરથી ભરપૂર આ ફ્રૂટ ખાવાથી બોડીમાં બ્લડ શુગર નિયંત્રિત રહે છે અને સાથે જ ડાયાબિટીસના દર્દીઓ માટે તે ફાયદાકારક છે.
પાચન માટે બેસ્ટ-
આ ફળમાં ફાયબર ભરપૂર માત્રામાં હોય છે. જેથી તે પેટ માટે પણ ફાયદાકારક છે. તે પાચન સંબંધી સમસ્યાઓને દૂર કરવામાં મદદ કરે છે. આ સિવાય તેના કબજિયાતમાં પણ રાહત મળે છે.
વાળ માટે લાભદાયી-
વિટામિન બી અને સી ની સાથે એન્ટીઓક્સીડેન્ટથી ભરપૂર સ્ટાર ફ્રૂટ ખાવાથી વાળ હેલ્ધી રહે છે. તે સ્કિનને પણ હેલ્ધી રાખવામાં મદદ કરે છે. વાળ ખરતાં રોકે છે અને વાળને મજબૂત બનાવે છે. કમરક ફળ બજારમાં સરળતાથી મળી રહેતું ફળ છે. તે ગળ્યું અને ખાટા એમ બે પ્રકારના હોય છે.આ ફળની તાસીર ગરમ અને ભારે હોય છે. તેનો ઉપયોગ દવા બનાવવામાં પણ કરવામાં આવે છે.
ત્વચા સંબંધી બીમારી-
શિયાળામાં ત્વચા સંબંધી સમસ્યા એક સામાન્ય વાત છે. તેવામાં કમરકનું સેવન સ્કિન ઈન્ફેક્શન, શુષ્કતા, રેશીઝ અને ખંજવાળ જેવી સમસ્યાને દૂર કરે છે.
રોગ પ્રરિકારક શક્તિ વધશે-
પોષક તત્વો અને વિટામિન-સી થી ભરપૂર કમરકનું સેવન કરવાથી શરીરમાં રોગ પ્રતિકારક શક્તિ વધે છે, જેનાથી તમે શિયાળામાં થતી સમસ્યાઓથી બચી શકો છો. તે સિવાય તેનાથી શરીરમાં એનર્જી પણ રહેશે.
ભૂખ ના લાગવી-
મોટાભાગનો લોકોને ભૂખ નથી લાગતી હોતી, તેનાથી શરીર કમજોર થઈ જાય છે અને સાથે સાથે કેટલીક બીમારીઓ પણ થાય છે. તેવામાં દરરોજ સવારે કમરકના જયૂસમાં ખાંડ નાખીને પીવું. તેનાથી 3-4 દિવસમાં અસર જોવા મળશે.
આંખો માટે ફાયદારૂપ-
મેગ્નેશિયમ અને વિટામિન બી 6 હોવાને કારણે તે આંખો માટે ફાયદાકારક છે. તેનાથી આંખોમાં લાલસ, સોજો, દુઃખાવો પાણી નિકળવું અને ઓછું દેખાતું હોય તેવી સમસ્યા દૂર થાય છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App