May 04, 2025
Mango theft in Navsari: આપણે બંધ મકાન, દુકાન અને મંદિરમાંથી ચોરીના બનાવો વિશે તો ઘણું સાંભળ્યું હશે, પરંતુ દક્ષિણ ગુજરાતના નવસારી જિલ્લાના પૂર્વ પટ્ટાના ગામોમાં છેલ્લા કેટલાક સમયથી ઝાડ પર લટકતી કેરીઓની ચોરી થતી હોવાના બનાવો વધતા ખેડૂતોને મોટું નુકસાન (Mango theft in Navsari) ભોગવવું પડી રહ્યું છે. નવસારીના નાગધરા, સાતેમ, કુંભારફળિયા, સરપોર, ગોપીવાડી, મહુડી, પુણી, ડબલાઈ, બુટલાવ, ભૂલાફળિયા, નવા તળાવ, પારડી સહિત 15 ગામોમાંથી રોજની 2000 મણ કેરીની ચોરી થઈ રહી છે. આના કારણે ખેડૂતોને રાતા પાણીએ રોવાનો વારો આવ્યો છે. કેરીની ચોરી થતી હોવાના કારણે ખેડૂતોએ કલેક્ટરને આવેદન આપીને આ ગામોમાં પોલીસ પેટ્રોલિંગ કરવામાં આવે તેવી માંગણી કરી હતી.
ખેડૂતોએ કલેક્ટરને આવેદન આપી સુરક્ષાની માંગણી કરી
સૂત્રો દ્વારા એવું જાણવા મળ્યું છે કે, ચોરાયેલી કેરીઓને સુરત, અમદાવાદ, રાજકોટ અને વડોદરામાં વેચાણ માટે મોકલવામાં આવી રહી છે. નવસારીના ખેડૂતોને લાખોનું નુકસાન થઈ રહ્યું છે. એક તો આ વર્ષે કેરીનો ઉતારો ઓછો આવ્યો છે અને તેમાં પણ કેરીની ચોરીની ઘટનાઓ બની રહી છે.
નવસારીના 15 ગામોમાંથી રોજની લગભગ 2000 મણ કેરીની ચોરી થાય છે. દરેક ગામમાંથી આશરે 100થી 150 મણ કેરીઓ ચોરાઈ રહી છે. ચોરી કરેલી કેરીઓને ચોરો બજારમાં એક મણ દીઠ માત્ર 500 રૂપિયામાં વેચી રહ્યાં છે. જો કે, કેરીનો મૂળ ભાવ અત્યારે 2000થી 2500 રૂપિયા ચાલી રહ્યો છે.
ચોરીની ઘટનાઓના કારણે ખેડૂતોની રાતની ઊંઘ હરામ થઈ
દરેક ગામડાંઓની ખેડૂતોએ સાથે મળીને કલેક્ટરે આવેદન આપ્યું હતું. આ ચોરીની ઘટનાના કારણે ખેડૂતોની રાતની ઊંઘ હરામ કરી નાખી છે. રોજની 2000 મણ કેરીઓ ચોરાઈ રહી છે, જેના કારણે ખેડૂતોને લાખો રૂપિયાનો નુકસાન પણ થઈ રહ્યું છે.
Trending News
એકબાજું ગ્લોબલ વોર્મિંગના કારણે પાકમાં ઘટાડો થયો છે અને એમાં પણ આ ચોરીની ઘટનાઓએ પડતા પર પાટું જેવી સ્થિતિ કરી દીધી છે. આના કારણે હવે ખેડૂતોને આનો ખર્ચ કાઢવા પણ અઘરો પડી જવાનો છે. આરોપ એવો છે કે, ખેતીકામ કરવા માટે આવતા મજૂરો અને તેમના બાળકો રાત્રે કેરીની ચોરી કરે છે અને બજારમાં ઓછા ભાવે વેચાણ કરી દે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App