October 07, 2024
બુધવારે રાત્રે એક દંપતી શંકાસ્પદ રીતે દાઝી ગયો હતો. બંને સિવિલ હોસ્પિટલમાં દાખલ છે. પરંતુ, જોખમની બહાર છે. હવે આ જ બનાવના સીસીટીવી ફૂટેજ સામે આવ્યા છે. તેમાં જ્વાળાઓથી ઘેરાયેલા પતિ ઘરની બહાર ભાગતા નજરે પડે છે. તેની પાછળ પત્ની અને અન્ય મહિલાઓ ધાબળો લઈને દોડી આવી છે. આખરે પત્ની જીવન પર જોખમ રાખીને પતિને બચાવે છે. પરંતુ, તે ઘાયલ પણ થઈ છે.
સૈયદપુરા વિસ્તારમાં રહેતા ગણેશ ચૌહાણ બુધવારે રાત્રે પત્ની રફિયા અને પુત્ર-પુત્રી સાથે ઘરમાં સૂઈ રહ્યા હતા. આ દરમિયાન રાત્રે દોઢ વાગ્યે ગણેશ સળગતી હાલતમાં તેની પાછળ રફિયા અને તેની બહેન ભાગી હતી. આખરે રફિયા આગને કાબૂમાં કરે છે. આ પછી બંનેને સ્મીમેર હોસ્પિટલમાં દાખલ કરવામાં આવ્યા હતા. જોકે, હવે બંનેની હાલતમાં સુધારો થઈ રહ્યો છે. અગ્નિથી ગણેશની પીઠ અને રફિયાના હાથ સળગી ગયા હતા.
તે જ સમયે પત્ની રફિયા કહે છે કે, રાત્રે અમે બાળકો સાથે રૂમમાં સૂઈ રહ્યા હતા. આ સમય દરમિયાન, મેં ગણેશની ચીસો સાંભળી અને જોયું કે તેની પીઠ સળગી ગઈ હતી. હું જાગું તે પહેલાં ગણેશ ઘરેથી ભાગી ગયો જેથી બાળકોને ઇજા ન થાય. હું ધાબળો લઇ તેની પાછળ દોડી ગઈ હતી અને આગ બુઝાવી હતી. જોકે આગ કેવી રીતે લાગી તે અમને બન્નેમાંથી કોઈને ખબર નથી.
Trending News
આ સંદર્ભે પત્ની રફિયાએ તેની બહેન અને તેના પતિ પર શંકા વ્યક્ત કરી છે. રફિયા કહે છે કે, તેની નાની બહેન ઘણા વર્ષો પહેલા ઘર છોડીને ગઈ હતી. પરંતુ હવે તે અહીં હવે તેના પતિ સાથે બળજબરીથી રહેવા આવી છે. બહેન અને તેના પતિની નજર અમારા ઘર પર છે અને તેઓ ઈચ્છે છે કે, આપણે આ ઘર છોડીને ચાલ્યા જઈએ જેથી તે બંને ઘર લઇ લે. રફિયાએ પોલીસમાં ફરિયાદ નોંધી તપાસની માંગ કરી છે. આ ઘટના સુરત શહેરના સૈયદપુરા વિસ્તારમાં બની હતી.
સુરતમાં ઘરમાંથી સળગતો પતિ બહાર દોડી આવ્યો, પાછળ પત્ની ધાબળો લઈને દોડી બચાવ્યો – જુઓ CCTV ફૂટેજ@SURAT @CCTV @Viral pic.twitter.com/4OjwI2DjOZ
— Trishul News (@TrishulNews) March 6, 2021
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle