November 26, 2024
હાલમાં એક એવિ ઘટના બની છે જેમાં શૈલેષભાઇ જલાભાઈ કોળી નામનો યુવક 27 ફેબ્રુઆરીના રોજથી ગુમ થઈ ગયો હતો. તેની પરિવારજનોએ શોધખોળ પણ કરી હતી. જોકે પત્તો ન લાગતા પોલીસમાં જાણ કરી હતી, પોલીસ દ્વારા ખાનગી રાહે યુવકની શોધખોળ કરવામાં આવી હતી.
આ દરમિયાન પોલીસને બાતમી મળી હતી કે, જુમાં માજોઠી નામના શખ્સે તેના સાગરિત સાથે મળી એક યુવકને પોતાના ઘરે બોલાવી પતાવી દઈ લાશ તેના જ ઘરની પાછળ અવાવરૂ જગ્યાએ દાટી દીધી હતી અને આ અંગે બી ડિવિઝન પોલીસના PI આઈ.એમ કોંઢિયા અને સ્ટાફ ઘટના સ્થળે દોડી ગયા હતા અને બાતમી વાળી જગ્યાએ તપાસ કરતા યુવકની કોહવાયેલી લાશ મળી આવ્યા બાદ તાત્કાલિક પીએમ માટે સીવીલ હોસ્પિટલમાં ખસેડવામાં આવી હતી.
ઘટના અંગે મૃતકની બહેન સુમિતાબેન કોળી દ્વારા તેના જ ભાભી આરતીબેન અને યાસમીનના પ્રેમી જુમાં સાજણ મજોઠી વિરુદ્ધ ફરિયાદ નોંધાવવામાં આવી હતી. જેમાં તેમણે જણાવ્યું હતું કે, તેમના ભાઈ શૈલેષભાઇ અંગેચણીયાના પત્ની યાસ્મીનબેન શૈલેષભાઇ અંગેચણીયાને જુમાં સાંજણ માજોઠી સાથે પ્રેમ સંબંધ બંધાયો હતો. આથી યાસ્મીનબેન તેમના પતિનું ઘર છોડીને જુમાં સાંજણ માજોઠી સાથે ઘર માંડીને રહેવા માંડી હતી.
Trending News
આ અંગે તેના પતિ શૈલેષભાઈને મનદુઃખ લાગતા આ વાતનો ખાર રાખીને પત્નીએ તેમને તા. 27ના રોજ જુમાં સાંજણ માજોઠીના ઘરે બોલાવ્યા હતા. જ્યાં દગો કરીને પત્ની યાસ્મીનબેન અને તેના પ્રેમી જુમાં સાંજણ માજોઠીએ સાથે મળીને પતિ શૈલેષભાઈને માર મારીને હત્યા કરી હતી અને તેમની લાશને જુમાં સાંજણ માજોઠીના ઘર પાછળ જમીનમાં ખાડો ખોદીને દાટી દીધી હતી. બી ડિવિઝન પોલીસ દ્વારા આ ઘટનાની ફરિયાદના આધારે પત્ની અને પ્રેમી સામે હત્યાનો ગુનો નોંધી આ બન્ને આરોપીઓને ઝડપી લેવા તપાસ હાથ ધરવામાં આવી છે. આ સમગ્ર ઘટના મોરબીના કબીર ટેકરી વિસ્તારમાં બની હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle