November 13, 2024
રાજ્યમાંથી અવારનવાર આગ લાગી હોવાની ઘટનાઓ સામે આવતી હોય છે. આગને કારણે ઘણીવાર લાખોનો અથવા તો કિંમતી મુદ્દામાલ બળીને ખાખ થઈ જતો હોય છે ત્યારે હાલમાં આવી જ એક આગની ઘટના સામે આવી રહી છે. રાજકોટ જિલ્લામાં આવેલ આટકોટમાંથી ઘટના સામે આઈ છે.
શહેરમાં આવેલ બસ સ્ટેશન નજીકની દુકાનમાં એક બાદ એક એમ કુલ 4 ગેસના સિલિન્ડર ધડાકાભેર ફાટી જતાં આગ લાગી હતી. આગ લાગતાંની સાથે જ દુકાનની અંદર રહેલ તમામ વસ્તુ બળીને ખાખ થઈ ગઈ હતી. આગ લાગતાંની સાથે જ દૂર દૂર સુધી ધૂમાડાના ગોટેગોટા જોવા મળ્યાં હતાં. જો કે, આ ઘટનામાં કોઈ જાનહાનિ થઈ નથી.
નોનવેજની દુકાનમાં આગ લાગી :
આટકોટમાં બસ સ્ટેશન નજીકની સત્યમ હોસ્પિટલ પાસેની મહોબત ખપે નોનવેજની દુકાનમાં આગ ભભૂકી ઉઠતા ધુમાડાના ગોટેગોટા જોવા મળ્યા હતાં. જેને જોવા માટે અનેક લોકો ઉમટી પડ્યા હતાં. નોનવેજની દુકાનમાં ગેસના કુલ 4 બાટલા પડ્યાં હતા. આ ચારેય બાટલા વારાફરતી ફાટવા લાગ્યા હતા. બોમ્બ ઊટતા હોય તેવો અવાજ નીકળતા રસ્તા પરથી પસાર થતા વાહનચાલકો પણ ગભરાઈ ગયા હતા. આની સાથે જા આસપાસમાં રહેતા લોકોમાં અફરાતફરીનો માહોલ જોવા મળ્યો હતો.
Trending News
આગની ઘટનામાં કોઈ જાનહાની નહીં :
ઘટનાની જાણ થતાંની સાથે જ જસદણથી ફાયર બ્રિગેડના જવાનો ઘટનાસ્થળ પર પહોંચી ગયા હતાં. આગને કાબૂમાં લેવા માટેનાં પ્રયાસો કરવામાં આવ્યા હતી. થોડીવાર માટે હાઈવે બંધ કરી દેવામાં આવ્યો હતો. જસદણથી ફાયર બ્રિગેડના જવાનોએ જહેમત પછી આગને કાબૂમાં લીધી હતી.
આગ લાગતાંની સાથે જ PGVCL દ્વારા પણ ઉપર વાયર હોવાને કારણે લાઈટો બંધ કરી દેવામાં આવી હતી. આગની ઘટનામાં વસ્તુ બળીને ખાખ થઈ ગઈ હતી. જો કે, આ ઘટનામાં કોઈ જાનહાની થઈ નથી. જેને લીધે લોકોમાં રાહત જોવા મળી રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle