અચાનક જ ટ્રેનમાં વિન્ડો સીટ પર બેઠેલા યુવકનું મોત, 300 કિલોમીટર સુધી મૃતદેહ સાથે મુસાફરી કરતા રહ્યા લોકો

Youth dies in train in Madhya Pradesh: મધ્ય પ્રદેશમાં ટ્રેનની જનરલ બોગીમાં મુસાફરી કરતી વખતે ઠંડીના કારણે એક વ્યક્તિનું મોત થયું અને ટ્રેનમાં હાજર મુસાફરોને લાંબા સમય સુધી તેની નોંધ પણ ન પડી. મામલો કામાયની એક્સપ્રેસનો છે.(Youth dies in train in Madhya Pradesh) જેમાં યુવક સિંગલ વિન્ડો સીટ પર બેસીને મુસાફરી કરી રહ્યો હતો.

બેતુલનો રહેવાસી આ મુસાફર જનરલ બોગીની સિંગલ વિન્ડો સીટ પર બેઠો હતો. દરમિયાન ઠંડીના કારણે યુવાનનું તેની સીટ પર બેઠેલા સમયે મોત નીપજ્યું હતું, પરંતુ નજીકમાં બેઠેલા મુસાફરોને તેની જાણ સુદ્ધાં ન થઈ. લોકોને લાગ્યું કે તે સીટ પર બેસીને સૂઈ રહ્યો છે.

આ દરમિયાન ટ્રેને લગભગ 303 કિલોમીટરનું અંતર કાપ્યું અને યુવકનો મૃતદેહ સીટ પર પડ્યો રહ્યો. જ્યારે ટ્રેન ઈટારસીથી દમોહ પહોંચી ત્યારે યુવકના શરીરમાં કોઈ હિલચાલ ન હોવાથી લોકોને શંકા ગઈ હતી પરંતુ તેના કાનમાં ઈયરફોન હતા.

લાંબા સમય બાદ જ્યારે તે બોગીમાં હાજર મુસાફરોને મૃત્યુની જાણ થઈ તો તેઓએ રેલવે કંટ્રોલને ફોન કરીને તેની જાણ કરી. જે બાદ સોમવારે સવારે 9 વાગે ટ્રેન દમોહ સ્ટેશને પહોંચ્યા બાદ યુવકનો મૃતદેહ ટ્રેનમાંથી બહાર કાઢવામાં આવ્યો હતો.