May 05, 2024
PM Modi Video News: PM નરેન્દ્ર મોદી ગ્રીસ પ્રવાસ પછી આજે એટલે કે શનિવારે બેંગલુરુ પહોંચ્યા અને ISROના વૈજ્ઞાનિકો સાથે મુલાકાત કરી. તે દરમિયાન PM મોદીએ ત્યાં હાજર વૈજ્ઞાનિકોને સંબોધિત કર્યા અને ચંદ્રયાન 3ના સફળ મિશન માટે અભિનંદન પાથ્યા હતા.આ પછી જ્યારે PM મોદી(PM Modi Video News) દિલ્હી પહોંચ્યા તો તેમનું ભવ્ય સ્વાગત પણ કરવામાં આવ્યું હતું.
આ દરમિયાન ભાજપ અધ્યક્ષ જેપી નડ્ડા સહિત ભાજપના તમામ નેતાઓ હાજર રહ્યા હતા. PM મોદી જ્યારે પાલમ એરપોર્ટ પર સંબોધન કરી રહ્યા હતા ત્યારે એક વ્યક્તિ બેભાન થઈને પડી ગયો હતો, જેને PMની ડૉક્ટર ટીમે સારવાર આપી હતી.
પીએમે પોતાના ડોક્ટરોને આ આદેશ આપ્યો હતો
વાતતો જાણે એમ છે કે, જ્યારે વડાપ્રધાન મોદી લોકોને સંબોધિત કરી રહ્યા હતા, તે દરમિયાન ત્યાં એક વ્યક્તિ બેહોશ થઈ ગયો. પીએમ મોદીની નજર આ વ્યક્તિ પર પડતાં જ તેમણે કહ્યું, ‘કૃપા કરીને ડોક્ટરોની ટીમ મોકલો જે મારી સાથે છે. ડૉક્ટર તેમને જુઓ. તેમને હાથ પકડીને ક્યાંક લઈ જાઓ, તેમને બેસાડો અને તેમના બુટ વગેરે ઉતારો. એરપોર્ટ પર લોકોને સંબોધતા PM મોદીએ કહ્યું, ‘મારું સૌભાગ્ય છે કે તમે બધા અહીં આટલા મોટા પ્રમાણમાં આવ્યા અને ચંદ્રયાનની સફળતાની ઉજવણી કરી અને મને પણ ઉજવણીનો ભાગ બનવાનું સૌભાગ્ય મળ્યું. આ માટે હું તમને બધાને અભિનંદન આપું છું.
During his address outside the Palam airport, PM @narendramodi saw a person falling ill and immediately asked his doctors to attend. pic.twitter.com/N14i54FHhq
— DD News (@DDNewslive) August 26, 2023
Trending News
ચંદ્રયાનનો ઉલ્લેખ કરતા વડાપ્રધાને કહ્યું, ‘આજે જે બિંદુ પર ચંદ્રયાન-3 લેન્ડ કરવામાં આવ્યું છે તેને એક નામ આપવામાં આવ્યું છે અને તે નામ આપવામાં આવ્યું છે – શિવશક્તિ. આજે જ્યારે શિવની વાત છે, શુભમ છે અને શક્તિની વાત છે, ત્યારે મારા દેશની નારી શક્તિની વાત છે. શિવની વાત આવે ત્યારે હિમાલય મનમાં આવે છે અને જ્યારે શક્તિની વાત આવે છે ત્યારે કન્યાકુમારીનો ખ્યાલ આવે છે.હિમાલયથી કન્યાકુમારી સુધીની આ ભાવનાને પ્રતિબિંબિત કરવા માટે શિવશક્તિ નામ નક્કી કરવામાં આવ્યું છે.
G20 માટે લોકોને અપીલ
વડાપ્રધાન મોદીએ કહ્યું, ‘ભારત G-20ની અધ્યક્ષતા કરી રહ્યું છે, તેથી 5 સપ્ટેમ્બરથી 15 સપ્ટેમ્બર સુધી દિલ્હીમાં ઘણી બધી ગતિવિધિઓ થશે. આવનારા દિવસોમાં થોડી અગવડ પડી શકે છે, તેથી હું આજે જ દિલ્હીની જનતાની માફી માંગુ છું. હું આગ્રહ કરું છું કે મહેમાનો આવશે, તેઓ આપણા બધાના છે, અમને થોડી અસુવિધા થશે. તેથી, એક પરિવાર તરીકે, વિનંતી છે કે આ G-20 ભવ્ય, રંગીન, આપણી આખી દિલ્હી રંગીન હોવી જોઈએ. અમારા દિલ્હીના તમામ ભાઈ-બહેનો આ કામ બતાવશે. આ મારી સંપૂર્ણ માન્યતા છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
