સુમુલ દુધના ભાવમાં ધરખમ વધારો, ગોલ્ડના ૬૦ અને તાજાના ૪૬ રૂપિયા... -જાણો વિગતવાર Trishul News

મોંઘવારીના મારથી હેરાન થયેલા લોકોના ખિસ્સા પર વધુ એક ભારણ પડવા જઈ રહ્યું છે. સુમુલ ડેરી દ્વારા હાલમાં દૂધના ભાવમાં 2 રૂપિયાનો વધારો કરી દેવામાં આવ્યો છે. હાલમાં જોયો તો સમગ્ર દેશમાં પેટ્રોલ-ડીઝલના ભાવમાં પણ સતત વધારો થઈ રહ્યો છે. ત્યાર બાદ દૂધના ભાવમાં પણ વધારો કરવાની ફરજ પડી છે. અઢાર મહિના પછી સુમુલ ડેરી દુધના ભાવમાં વધારો કરવા જઈ રહી છે. સુમુલ ડેરીના દૂધના ભાવોમાં વધારો 20 જૂનથી અમલમાં આવશે.

હાલમાં જોઈએ તો પેટ્રોલ-ડીઝલના ભાવમાં દિવસેને દિવસે સતત વધારો થતા હવે સુમુલ ડેરીના પેકેજીંગ ખર્ચમાં 42%, પ્રોસેસિંગ અને ઇનપુટ કોસ્ટ માં 28 ટકા જ્યારે મિલ્ક હેન્ડલિંગ અને પરિવહન ખર્ચમાં 30 ટકા જેટલો વધારો થયો છે. હવે દૂધના ભાવમાં 2 રૂપિયા પ્રતિ લીટરનો વધારો કરવામાં આવ્યો છે.

સુમુલ ડેરીના ડિરેક્ટર જયેશ પટેલે જણાવતાં કહ્યું હતું કે, અમૂલ ડેરીમાં દર મહિને ૧૨ લાખ લિટર દૂધનું વેચાણ થઈ રહ્યું છે. હજુ પણ સાત લાખ જેટલા પ્રાંતિયો હજુ સુધી સુરત પરત ફર્યા નથી. હાલમાં હજુ ૧૦.૪૦ લાખ દૂધનું વેચાણ થઈ રહ્યું છે.

અઢાર મહિના પહેલા ડિસેમ્બર 2019માં દૂધના ભાવમાં વધારો કરવામાં આવ્યો હતો. કોરોનાકાળમાં લોકોની પરિસ્થિતિને ધ્યાનમાં રાખીને ભાવ વધારો કરવામાં આવ્યો નહોતો. ત્યારે હવે પેટ્રોલ અને ડીઝલના ભાવમાં પણ વધારો થઇ રહ્યો છે. તેને જોતા દૂધ ઉત્પાદન ખર્ચ પણ વધી રહ્યો છે. જેને કારણે દૂધના ભાવમાં પણ વધારો અમલી બનાવવા જઇ રહ્યો છે.