નિષ્ઠુર પતિએ પોતાની જ પત્ની પર ફેંક્યું એસીડ, રસ્તા વચ્ચે તડપતી રહી પરણીતા- ઘટના CCTVમાં કેદ

મહારાષ્ટ્ર (Maharashtra)ના નાગપુર (Nagpur)માં એક મહિલા પર એસિડ એટેકનો મામલો સામે આવ્યો છે. કહેવામાં આવી રહ્યું છે કે મહિલા પર આ હુમલો તેના પતિએ કર્યો હતો. આ ઘટના નજીકમાં લાગેલા સીસીટીવીમાં કેદ થઈ ગઈ હતી. પીડિતાની ફરિયાદના આધારે પોલીસે આરોપી પતિની ધરપકડ કરીને મામલાની તપાસ શરૂ કરી છે. મહિલા ખરાબ રીતે દાઝી ગઈ છે. તેમને હોસ્પિટલમાં દાખલ કરવામાં આવ્યા છે.

મહિલા પર એસિડ એટેક
આ ઘટના નાગપુરના રામેશ્વર વિસ્તારની છે. સીસીટીવીમાં સ્પષ્ટપણે જોઈ શકાય છે કે મહિલા સાઈકલ પર જઈ રહી છે અને બીજી બાજુથી એક પુરુષ મોટરસાઈકલ પર આવતો દેખાય છે. મહિલાની નજીક પહોંચતા જ તેણે એસિડ ફેંક્યો હતો. જેમાં તેણીને ગંભીર ઇજા થઇ હતી. માહિતી મળતાં જ પોલીસે ઘટનાસ્થળે પહોંચી તપાસ શરૂ કરી હતી.