November 24, 2024
ભોજપુરી અભિનેત્રી આકાંક્ષા દુબે(Akanksha Dubey)એ ઉત્તર પ્રદેશના બનારસ શહેરની એક હોટલમાં આત્મહત્યા કરી લીધી છે. આકાંક્ષા દુબેએ બનારસની હોટેલ સારનાથના એક રૂમમાં ગળેફાંસો ખાઈ લીધો હતો. આકાંક્ષા દુબેએ ભોજપુરી ઈન્ડસ્ટ્રીમાં ઘણી હિટ ફિલ્મો આપી હતી. આકાંક્ષા દુબે મુઝસે શાદી કરોગી (ભોજપુરી), વીરો કે વીર, ફાઈટર કિંગ, કસમ પડના કરને કે 2 અને અન્ય પ્રોજેક્ટ્સમાં પણ જોવા મળી હતી.
આકાંક્ષા દુબેની નજીકની વ્યક્તિએ આ સમાચારની પુષ્ટિ કરી છે. તેણે કહ્યું, “આકાંક્ષા દુબેનો તેની નવી ફિલ્મ ‘નાયક’ના સેટ પર પહેલો દિવસ હતો. નિર્માતા વારાણસીમાં શૂટિંગ કરી રહ્યા હતા. આજે સવારે 9 વાગ્યાની આસપાસ જ્યારે તેનો મેક-અપ છોકરો તેને તેની પાસે બોલાવવા ગયો હતો. પરંતુ રૂમમાં તેણી મૃત હાલતમાં મળી આવી હતી. તે અખિલેશ વર્મા સાથે શૂટિંગ કરી રહી હતી.
Trending News
આકાંક્ષા દુબે ભોજપુરી અભિનેત્રી હતી. આકાંક્ષા દુબે ઉત્તર પ્રદેશના ભદોહી જિલ્લાના ચૌરી પોલીસ સ્ટેશન વિસ્તાર હેઠળના પારસીપુરની રહેવાસી હતી. આકાંક્ષા દુબેએ 17 વર્ષની ઉંમરે ‘મેરી જંગ મેરા ફૈસલા’ નામની ભોજપુરી ફિલ્મથી ડેબ્યૂ કર્યું હતું.
ફિલ્મોની સાથે આકાંક્ષા દુબેએ ઘણા હિટ મ્યુઝિક આલ્બમ્સમાં પણ કામ કર્યું છે. આકાંક્ષાએ લગભગ 50-60 સુપરહિટ મ્યુઝિક આલ્બમ આપ્યા છે. આકાંક્ષા દુબે ખેસારી લાલ યાદવ, પવન સિંહ અને પ્રદીપ પાંડે સહિત ઘણા ભોજપુરી સ્ટાર્સ સાથે સ્ક્રીન પર દેખાઈ છે.
આકાંક્ષાના મૃત્યુના સમાચાર અભિનેતા અને ગાયક પવન સિંહ સાથેનો તેનો મ્યુઝિક વીડિયો રિલીઝ થયાના કલાકો પછી આવ્યો છે. NBTના અહેવાલ મુજબ, અભિનેત્રીએ ગીતની સત્તાવાર રજૂઆત પહેલા આપઘાત કરી લીધો. વર્ક ફ્રન્ટ પર, આકાંક્ષા દુબેએ તાજેતરમાં ભોજપુરી ગાયક-અભિનેતા યશ કુમાર સાથે ‘મિટ્ટી’ માટે શૂટિંગ પૂર્ણ કર્યું. આ ફિલ્મમાં રક્ષા ગુપ્તા પણ મહત્વની ભૂમિકામાં છે. આ ફિલ્મનું નિર્દેશન ચંદન ઉપાધ્યાયે કર્યું છે.
આકાંક્ષા એક્ટર-સિંગર સમર સિંહ સાથે રિલેશનશિપમાં હોવાના અહેવાલ છે. તેઓએ વેલેન્ટાઇન ડે પર ઇન્સ્ટાગ્રામ પર તેમના સંબંધોને સત્તાવાર બનાવ્યા. એક રિપોર્ટ અનુસાર, આકાંક્ષા 2018માં ડિપ્રેશનમાં હતી અને તેણે ફિલ્મોમાંથી બ્રેક લીધો હતો. જોકે તેણે થોડા વર્ષો પછી પુનરાગમન કર્યું હતું.
આકાંક્ષાએ ‘વીરોં કે વીર’ અને ‘કસમ પેદા કરને વાલે કી 2’ નામની ફિલ્મોમાં કામ કર્યું હતું. અભિનેત્રીએ આ પગલું કેમ ભર્યું તે હજુ સુધી જાણી શકાયું નથી. આ સમાચાર આવ્યા બાદ ભોજપુરી ઈન્ડસ્ટ્રીમાં શોકની લાગણી ફેલાઈ ગઈ છે. જેને કારણે તેમના ચાહકોને મોટો આંચકો લાગ્યો છે.
આકાંક્ષા દુબે ત્રણ વર્ષની ઉંમરે તેના માતા-પિતા સાથે મુંબઈ શિફ્ટ થઈ ગઈ હતી. તેના માતા-પિતા તેને IPS ઓફિસર બનાવવા માંગતા હતા, પરંતુ તેમનું મન ડાન્સ અને એક્ટિંગમાં હતું. નાનપણથી જ તેને ટીવી જોવાનો શોખ હતો. આ જુસ્સાને અનુસરીને તે ફિલ્મી દુનિયામાં આવી. મુંબઈમાં અભ્યાસ કર્યા બાદ આકાંક્ષાએ ફિલ્મોમાં કરિયરની શરૂઆત કરી હતી. તેણે કહ્યું હતું કે તેની મિત્ર પુષ્પાંજલિ પાંડેએ આમાં તેની મદદ કરી હતી.
રિપોર્ટ્સ અનુસાર, 17 વર્ષની ઉંમરે આકાંક્ષા દુબેએ ભોજપુરી સિનેમામાં પગ મૂક્યો હતો. અહીં તેણે નિર્દેશક આશિ તિવારી સાથે કેટલીક ફિલ્મોમાં કામ કર્યું હતું. જોકે તેને ઘણી વખત અસ્વીકારનો સામનો પણ કરવો પડ્યો હતો. કહેવાય છે કે વર્ષ 2018માં આકાંક્ષા ડિપ્રેશનમાં ચાલી ગઈ હતી. આ પછી તેણે ફિલ્મી પડદાથી દૂરી બનાવી લીધી. તેણે કહ્યું હતું કે નવા કલાકાર સાથે નવા કલાકારની જેમ વ્યવહાર કરવામાં આવતો નથી. જેના કારણે લોકોનો વિશ્વાસ તૂટે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.