November 24, 2024
મધ્યપ્રદેશ (Madhya Pradesh)ના ખંડવા (Khandwa)માં ત્રણ સગી બહેનોએ એક જ દોરડાથી લટકીને આપઘાત કરી લીધો છે. આ ઘટના બાદ ગામમાં સનસનાટી ફેલાઈ ગઈ હતી. પોલીસે ત્રણેય મૃતદેહોને પોસ્ટમોર્ટમ (Postmortem) માટે ખંડવા જિલ્લાની મુખ્ય હોસ્પિટલમાં મોકલી આપ્યા છે. પોલીસ આપઘાત પાછળનું સાચું કારણ શોધવામાં વ્યસ્ત છે.
આ ચોંકાવનારી ઘટના ખંડવા જિલ્લાના જવર પોલીસ સ્ટેશન વિસ્તારના કોઠાઘાટ ગામની છે. ત્રણેય બહેનો તેમની માતા અને ભાઈ સાથે રહેતી હતી. પિતાનું અવસાન થઈ ચૂક્યું છે. સામાન્ય દિવસોની જેમ મંગળવારે રાત્રે પણ ત્રણેય બહેનોએ માતા અને ભાઈ સાથે ભોજન લીધું હતું. તે પછી બધા સૂઈ ગયા. રાત્રે દસેક વાગ્યે માતા જાગી ત્યારે બીજા રૂમમાં જઈને જોયું તો ત્રણેય દીકરીઓ ગાયબ હતી. તે રાત્રે ટોર્ચ લઈને શોધવા નીકળી હતી. થોડા સમય પછી, ત્રણેય બહેનો લીમડાના ઝાડ પર એક જ દોરડા વડે ગળામાં ફાંસો બાંધી લટકતી હતી. આ જોઈને માતાના હોશ ઉડી ગયા.
મૃતકના ભાઈએ જણાવ્યું કે અમે આઠ ભાઈ-બહેન છીએ. ત્રણેય બહેનો સાનુ (23), સાવિત્રી (20) અને લલિતા (19) મંગળવારે બજારમાં ગઈ હતી. બધાએ રાત્રિભોજન કર્યું અને સૂઈ ગયા. આ દરમિયાન રાત્રિના સમયે ત્રણેય બહેનો ઘરની બહાર આવી હતી અને બહારથી દરવાજાનું તાળું લગાવી દીધું હતું. માતા જાગી ત્યારે બહેનો ગાયબ હતી. તેણે મને જગાડ્યો. બહાર જઈને માતાએ જોયું કે ત્રણેયએ લીમડાના ઝાડ પર દોરડા વડે ફાંસો ખાઈ લીધો હતો. સાનુ હજુ કોલેજમાં ભણતી હતી. સાવિત્રી પરિણીત હતી અને લલિતા સૌથી નાની હતી. તેની સાથે શું સમસ્યા હતી, તેણે ક્યારેય કહ્યું નહીં. અમારે કોઈની સાથે દુશ્મની નથી.
Trending News
આ મામલે એડિશનલ એસપી સીમા અલાવાએ જણાવ્યું કે એક જ પરિવારની છોકરીઓએ આપઘાત કર્યો છે. પ્રાથમિક તપાસમાં આ આપઘાતનો મામલો જણાઈ રહ્યો છે, પરંતુ પોસ્ટમોર્ટમ રિપોર્ટ આવ્યા બાદ જ સ્પષ્ટ થશે. ત્રણેયએ એક જ દોરડાથી લટકીને આપઘાત કર્યો હતો. હજુ સુધી કોઈ સુસાઈડ નોટ કે પુરાવા મળ્યા નથી. ઘરમાં પણ ઝઘડો થયો હોવાની ખબર નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.