November 28, 2024
જમ્મુ અને કાશ્મીર(Jammu and Kashmir) પોલીસે આંતરરાષ્ટ્રીય સરહદ(international border) નજીકના ટોફ(Toph) ગામમાં પાકિસ્તાની(Pakistan) ડ્રોન (drone)માંથી છોડેલા હથિયારો અને દારૂગોળો(Ammunition) જપ્ત કર્યો છે. આ માહિતી પોલીસ દ્વારા આપવામાં આવી છે. પોલીસ દ્વારા જણાવવામાં આવ્યું છે કે, પાકિસ્તાની ડ્રોનમાંથી છોડવામાં આવેલા હથિયારો અને દારૂગોળાની વસૂલાતના સંબંધમાં આ વર્ષે 24 ફેબ્રુઆરીએ અરનિયા પોલીસ સ્ટેશનમાં કેસ નોંધવામાં આવ્યો હતો. જમ્મુના એક આરોપીએ ખુલાસો કર્યો છે કે, એક પાકિસ્તાની હેન્ડલર, મોહમ્મદ અલી હુસૈન ઉર્ફે કાસિમ, ડ્રોનને તોડી પાડવામાં મહત્વનો ભાગ ભજવતો હતો અને તે લશ્કર-એ-તૈયબા (LeT) અને અલ બદરનો મુખ્ય ઓપરેટિવ છે.
J&K | National Investigation Agency (NIA) conducts raids at multiple locations in Jammu.
(Visuals from Faisal Muneer’s residence) pic.twitter.com/DQvs7aoHMX
— ANI (@ANI) August 18, 2022
આરોપીને કોર્ટમાં રજૂ કરવામાં આવ્યો હતો, જ્યાંથી તેને પોલીસ રિમાન્ડ પર મોકલવામાં આવ્યો છે. પોલીસનું કહેવું છે કે, સતત પૂછપરછ દરમિયાન, આરોપીએ અરનિયા હથિયાર છોડવાના કેસમાં તેની ભૂમિકા કબૂલ કરી હતી અને ડ્રોનમાંથી છોડવામાં આવેલા હથિયારો અને દારૂગોળો ક્યાં છુપાવવામાં આવ્યા હતા તે બે સ્થળોનો પણ ખુલાસો કર્યો હતો. હથિયાર રિકવર કરવા માટે સંબંધિત મેજિસ્ટ્રેટ સાથે પોલીસની ટીમ એક પછી એક ઘટનાસ્થળે ગઈ હતી.
Trending News
આતંકીએ જવાન પર ગોળીબાર કર્યો:
એડિશનલ ડાયરેક્ટર જનરલ ઓફ પોલીસ (ADGP) મુકેશ સિંઘે જણાવ્યું હતું કે, ‘જોકે પ્રથમ સ્થાને કોઈ પુનઃપ્રાપ્તિ કરવામાં આવી ન હતી, પરંતુ બીજા સ્થાને ફાલિયાન મંડલના ટોફ ગામમાં (આંતરરાષ્ટ્રીય સરહદ પાસે) શસ્ત્રો, દારૂગોળો અને વિસ્ફોટકોનો જથ્થો મળી આવ્યો હતો. આ પછી જ્યારે પેકેટ ખોલવામાં આવી રહ્યું હતું, ત્યારે આરોપીએ પોલીસ અધિકારી પર હુમલો કર્યો અને તેની સર્વિસ રાઈફલ છીનવી લીધી. તેણે પોલીસ પાર્ટી પર ગોળીબાર કર્યો અને સ્થળ પરથી ભાગવાનો પ્રયાસ કર્યો હતો.’
અધિકારીએ વધુમાં જણાવ્યું કે, ‘આરોપી ઘાયલ થયો અને તેને ઘાયલ પોલીસ અધિકારી સાથે જમ્મુની સરકારી મેડિકલ કોલેજમાં લઈ જવામાં આવ્યો. ઇજાગ્રસ્ત આતંકવાદીનું બાદમાં તેની ઇજાઓને કારણે મોત નીપજ્યું હતું.” ત્યારબાદ બોમ્બ ડિસ્પોઝલ સ્ક્વોડની મદદથી નીચે પડેલા પેકેટની તપાસ કરવામાં આવી હતી. પેકેટમાંથી એક એકે રાઈફલ, મેગેઝિન, 40 એકે રાઉન્ડ, એક સ્ટાર પિસ્તોલ, પિસ્તોલ રાઉન્ડ અને નાના ચાઈનીઝ હેન્ડ ગ્રેનેડ મળી આવ્યા છે. પોલીસ આ મામલે તપાસ કરી રહી છે.
સાંબા જિલ્લામાંથી 44 કિલો મોર્ટાર શેલ મળી આવ્યો:
આ સિવાય સાંબા જિલ્લામાં એક ખેતરમાંથી લગભગ 44 કિલોનો મોર્ટાર શેલ મળી આવ્યો હતો. એક પોલીસ અધિકારીએ આ અંગે માહિતી આપી છે. એવું કહેવામાં આવ્યું છે કે વિભાગીય વિસ્તારના કિકરી મોર ખાતે સ્વચ્છતા અભિયાન દરમિયાન, એક પોલીસ ટીમે શેલ મેળવ્યો, ત્યારબાદ ત્યાં હંગામો થયો અને તાત્કાલિક અસરથી સેનાની બોમ્બ ડિસ્પોઝલ સ્કવોડને જાણ કરવામાં આવી. ઘટનાસ્થળે પહોંચેલી ટુકડી દ્વારા શેલને સુરક્ષિત રીતે નિષ્ક્રિય કરવામાં આવ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.