જમ્મુ-કાશ્મીરમાં પાકિસ્તાની સેનાએ કર્યું સીજફાયરનું ઉલ્લંઘન- ગોળીબારમાં BSF જવાન શહીદ, શોપિયામાં એક આતંકી ઠાર

BSF Jawan Martyr: જમ્મુ-કાશ્મીરના સાંબા જિલ્લામાં એક મોટી ઘટના સામે આવી છે. બુધવારે મોડી રાત્રે રામગઢ સેક્ટરમાં ઇન્ટરનેશનલ બોર્ડર (IB) પાસે ગોળીબાર થયો હતો. પાકિસ્તાની રેન્જર્સ દ્વારા ઉશ્કેરણી વગરના ગોળીબારમાં બોર્ડર સિક્યુરિટી ફોર્સ (BSF)ના એક હેડ કોન્સ્ટેબલનું મોત થયું હતું. અધિકારીઓના જણાવ્યા અનુસાર પાકિસ્તાન(BSF Jawan Martyr) દ્વારા સાંબામાં સરહદી ચોકીઓને નિશાન બનાવીને ગોળીબાર કરવામાં આવ્યો હતો.

તેમણે કહ્યું કે છેલ્લા 24 કલાકમાં સરહદ પર પાકિસ્તાની રેન્જર્સ દ્વારા યુદ્ધવિરામ ભંગની આ ત્રીજી ઘટના છે. તેમણે કહ્યું કે ગોળીબારમાં બીએસએફના હેડ કોન્સ્ટેબલ લાલ ફામ કીમા ઘાયલ થયા છે. જવાનને પહેલા સ્થાનિક હોસ્પિટલમાં દાખલ કરવામાં આવ્યો અને પછી જમ્મુની જીએમસી હોસ્પિટલમાં લઈ જવામાં આવ્યો, જ્યાં સારવાર દરમિયાન તેનું મૃત્યુ થયું.અધિકારીઓના જણાવ્યા અનુસાર, 50 વર્ષીય કીમા મિઝોરમના આઈઝોલની રહેવાસી હતી. તેમણે જણાવ્યું કે કીમાના મૃતદેહને પોસ્ટમોર્ટમ માટે જીએમસી હોસ્પિટલના શબઘરમાં રાખવામાં આવ્યો છે.

#ShopianEncounterUpdate: One (01) #terrorist affiliated with proscribed #terror outfit TRF neutralised. Incriminating materials including arms & ammunition recovered. Search going on. Further details shall follow.@JmuKmrPolice https://t.co/Eqq0TQi2wL

— Kashmir Zone Police (@KashmirPolice) November 8, 2023

ઉશ્કેરણીજનક ફાયરિંગ
BSFએ એક નિવેદનમાં જણાવ્યું હતું કે, ‘8-9 નવેમ્બર 2023 ની વચ્ચેની રાત્રિ દરમિયાન, પાકિસ્તાન રેન્જર્સે રામગઢ વિસ્તારમાં બિનઉશ્કેરણીજનક ગોળીબાર કર્યો હતો, જેનો BSF જવાનોએ યોગ્ય જવાબ આપ્યો હતો.’