વોટ્સએપની જગ્યાએ ભારતીય સેનાએ તૈયાર કરી આ સ્વદેશી એપ, હવે દેશની માહિતી દેશમાં જ રહેશે

ભારતીય સેનાએ ગુરુવારે જાહેર કરેલા નિવેદનમાં જણાવ્યું હતું કે, આત્મનિર્ભર ભારતના પંથે કામ કરતા સેનાએ એક ખૂબ સારી અને સરળ તથા સુરક્ષિત મેસેજિંગ એપલીકેશન તૈયાર કરી છે.એનું નામ છે સાઈ. સાઈ એ સિક્યોર એપ્લીકેશન ફોર ઈન્ટરનેટ તૈયાર કરવામાં આવી છે.

સિક્યોર મેસેજિંગ કરવા માટે ભારતીય સેનાએ હવે પોતાની સ્વદેશી એપ ‘સાઈ’ બનાવડાવી છે. આ એપને સેનાના જ એક કર્નલે તૈયાર કરી છે અને તે વોટ્સએપ, ટેલીગ્રામની જેમ જ કામ કરી શકે છે. સેનાએ આ એપનું આઈપીઆર પોતાના નામે કરવવાની તૈયારી કરી લીધી છે.

અત્યાર સુધી સેનામાં સૌનિકો મોબાઈલ પર મેસેજ કરવા માટે વોટ્સએપનો ઉપયોગ કરતા હતા.ભારતીય સેનાએ ગુરુવારે એક નિવેદન જાહેર કર્યું હતું કે, આત્મનિર્ભર ભારતના પંથે કામ કરતા એક ખૂબ જ સરળ અને સુરક્ષિત મેસેજિંગ એપલીકેશન તૈયાર કરવામાં આવી છે.

સાઈ એટલે કે સિક્યોર એપ્લીકેશન ફોર ઈન્ટરનેટ માટે તૈયાર કરવામાં આવી છે. આ એપ્લીકેશનમાં ઈન્ટરનેટના માધ્યમ પર સિક્યોર વોઈસ, ટેક્સ્ટ અને વીડિયો કોલિંગ પણ કરી શકાય છે. સેનાના પ્રવક્તા, કર્નલ અમન આનંદે જણાવ્યા મુજબ, આ એપ્લીકેશન એ વોટ્સએપ, ટેલીગ્રામ, સંવાદ અને જીમ્સ જેવી જ છે. અને એન્ડ ટૂ એન્ડ ઈન્ક્રીપ્શન મેસેજિંગ પ્રોટોકોલનો ઉપયોગ પણ કરે છે.