ભારે વરસાદને કારને 62 લોકોના મોત- PM મોદીએ CMને ઘુમાવ્યો ફોન

આસામ(Assam)માં પૂરના કારણે હાહાકાર મચી ગયો છે. આસામ સ્ટેટ ડિઝાસ્ટર મેનેજમેન્ટ ઓથોરિટી (ASDMA) એ એક રિલીઝ જારી કરીને માહિતી આપી છે કે છેલ્લા 24 કલાકમાં પૂર અને ભૂસ્ખલનને કારણે 8 વધુ લોકોના મોત થયા છે. આ સાથે રાજ્યમાં અત્યાર સુધીમાં કુલ મૃત્યુઆંક 62 પર પહોંચી ગયો છે. ભૂસ્ખલનને કારણે આઠ લોકોમાંથી 2 લોકો કરીમગંજ જિલ્લામાં અને 1 વ્યક્તિ હેલાકાંડી જિલ્લામાં જીવતા દટાઈ ગયા હતા અને સ્થળ પર જ મૃત્યુ પામ્યા હતા. તે જ સમયે, પૂરના પાણીમાં ડૂબી જવાથી છ લોકોએ જીવ ગુમાવ્યો હતો. રાજ્યના 32 જિલ્લાના 4,291 ગામોમાં 30 લાખથી વધુ પ્રભાવિત થયા છે.

એક અહેવાલ મુજબ શનિવારે આસામના મુખ્યમંત્રી હિમંતા બિસ્વા સરમાએ અનેક રાહત શિબિરોની મુલાકાત લીધી હતી. આ પહેલા વડાપ્રધાન નરેન્દ્ર મોદીએ સીએમ સરમાને ફોન કરીને રાજ્યમાં પૂરની સ્થિતિ વિશે પૂછપરછ કરી હતી. પીએમ મોદીએ મુખ્યમંત્રીને કેન્દ્ર તરફથી રાજ્યને શક્ય તમામ મદદની ખાતરી આપી હતી. ખુદ સીએમએ ટ્વીટ કરીને આ જાણકારી આપી છે. તેમણે જણાવ્યું કે પીએમ મોદીએ સવારે 6 વાગ્યે પૂરની સ્થિતિ વિશે પૂછપરછ કરી અને કુદરતી આફતને કારણે લોકોને પડી રહેલી સમસ્યાઓ અંગે ચિંતા વ્યક્ત કરી.

દરમિયાન, સીએમ શર્માએ રાજ્યના કામરૂપ જિલ્લાના રંગિયા વિસ્તારની મુલાકાત લીધી. મીડિયા સાથે વાત કરતા તેમણે કહ્યું કે સંબંધિત અધિકારીઓને સંવેદનશીલ વિસ્તારોમાં રહેતા લોકોને તાત્કાલિક રાહત શિબિરોમાંથી બહાર કાઢવા માટે સૂચના આપવામાં આવી છે. સીએમએ એમ પણ કહ્યું કે સેના હંમેશા મદદ માટે તૈયાર છે, જ્યારે એનડીઆરએફ અને એસડીઆરએફના જવાનો સતત અસરગ્રસ્ત લોકોને સુરક્ષિત જગ્યાએ લઈ જઈ રહ્યા છે.

ઘણા વિસ્તારોમાં ભૂસ્ખલન:
રાજ્યના રોજાઈ જિલ્લામાં 113 પૂર પ્રભાવિત લોકોને લઈ જતી દેશ નિર્મિત બોટ પલટી ગઈ, જેમાં એક મહિલા અને ચાર વર્ષના બાળકનું મોત થયું. ગુવાહાટીના કચર, કરીમગંજ, હૈલાકાંડી, ગોલપારા, દક્ષિણ સલમારા, દિમા હસાઓ અને કામરૂપ જિલ્લાના ભાગો સહિત અનેક વિસ્તારોમાં ભૂસ્ખલનની જાણ થઈ હતી.