સોશિયલ મીડિયા યુઝર્સ સાવધાન! વોટ્સએપમાં આ 5 ભૂલો પડી શકે છે મોંઘી Trishul News

WhatsApp Data Viral: WhatsApp એ વિશ્વની સૌથી લોકપ્રિય ઇન્સ્ટન્ટ મેસેજિંગ એપ્લિકેશન છે. સ્ટેટસ મેસેજથી લઈને ગ્રુપ ચેટ અને કોલ સુધી, વોટ્સએપ પર ઘણું કામ કરી શકાય છે. પરંતુ તેમાં આપણે ફ્રેન્ડ રિક્વેસ્ટ મોકલી શકતા નથી. ત્યારે આવી સ્થિતિમાં, વોટ્સએપ પર કનેક્ટ થવા માટે, તમારી પાસે તેના યુઝર્સનો ફોન નંબર હોવો આવશ્યક છે, ત્યારે આ તમામ સુવિધાઓને કારણે, તે હેકર્સ માટે એક પ્રિય પ્લેટફોર્મ બની ગયું છે. ત્યારે આવી સ્થિતિમાં, જો તમે વોટ્સએપ યુઝર છો તો તમારે કેટલીક ભૂલો(WhatsApp Data Viral) કરવાથી બચવું જોઈએ. આ ભૂલોનું ધ્યાન રાખીને તમે ઘણી સમસ્યાઓથી બચી શકો છો.

પ્રોફાઈલ પિક્ચરઃ
વોટ્સએપ યુઝર્સે હંમેશા ધ્યાનમાં રાખવું જોઈએ કે તેઓ તેમના પ્રોફાઈલ પિક્ચરને એવા લોકોથી સુરક્ષિત રાખે જે તમારી કોન્ટેક્ટ લિસ્ટમાં નથી. તમે સેટિંગ્સમાં જઈને આ ફેરફાર કરી શકો છો.

ખોટી માહિતી:
ખોટી માહિતી અન્ય લોકો સાથે શેર કરવાનું ટાળો. કોઈપણ માહિતી શેર કરતા પહેલા, તેને વિશ્વસનીય સ્ત્રોત સાથે તપાસો.

થર્ડ-પાર્ટી એપ સ્ટોરમાંથી એપ્સ ડાઉનલોડ કરશો નહીં
હંમેશા ઓફિશિયલ એપ સ્ટોર અથવા પ્લે સ્ટોર પરથી WhatsApp ડાઉનલોડ કરવાનો પ્રયાસ કરો. કોઈપણ થર્ડ પાર્ટી એપ સ્ટોરમાંથી WhatsApp ડાઉનલોડ કરશો નહીં. Android માટે Google Play Store અને iPhone માટે Apple App Store પરથી એપ ડાઉનલોડ કરો.

ટુ-સ્ટેપ વેરિફિકેશન ઉમેરવાનું ભૂલશો નહીં:
તમારા WhatsApp એકાઉન્ટ પર હંમેશા ટુ-સ્ટેપ વેરિફિકેશન ઉમેરો. તમારા ફોનના સોફ્ટવેરને હંમેશા નવા સોફ્ટવેર પેચ સાથે અપડેટ કરો. ટુ-સ્ટેપ વેરિફિકેશન ઉમેરવાથી તમારું એકાઉન્ટ સુરક્ષિત રહેશે.