સુરતમાં હિટ એન્ડ રન: અતુલ બેકરીના માલિક અતુલ વેકરીયાએ વેસુ અંબાણી સ્કૂલ પાસે 4 વાહનો ને ઉડાવ્યા

માર્ગ અકસ્માતની ઘટનામાં સતત વધારો થોટ જઈ રહ્યો છે. એમ છતાં સરકાર દ્વારા કોઈપણ યોગ્ય નિર્ણય લેવામાં આવ્યો નથી કે, જેનાથી માર્ગ અકસ્માતની ઘટનામાં ઘટાડો થઈ શકે. માર્ગ અકસ્માતની આ ઘટના સુરત શહેરમાંથી સામે આવી છે. શહેરના વેસુ વિસ્તારમાં ભયંકર અકસ્માત સર્જાયો છે.

આ ઘટનામાં સુરતની પ્રખ્યાત અતુલ બેકરીના માલિક અતુલ વેકરીયાએ બેફામ રીતે કાર હંકારતા એકસાથે 4 લોકોને અડફેટે લીધા છે. વેસુ વિસ્તારની જે.એચ. અંબાણી હાઇસ્કૂલ નજીકથી અતુલ વેકરીયા કાર લઇને પસાર થઇ રહ્યા હતા. આ દરમિયાન અચાનક 4 મોપેડને અડફેટે લીધા હતા.

જેમાં મોપેડ ચાલકને ગંભીર રીતે ઇજાઓ પહોંચી હતી. આ ઘટનાની જાણ થતાંની સાથે જ પોલીસે ઘટનાસ્થળ પર પહોંચીને અતુલ વેકરીયાની અટકાયત કરવામાં આવી હતી. અતુલ વેકરીયા ઘણીવાર પોલીસની સામે પોતે ગાડી ન હંકારતો હોવાની વાત કરી રહ્યા હતા તેમજ કહી રહ્યા હતા કે, ડ્રાઈવરે ગાડી ચલાવતી વખતે અન્ય મોપેડને અડફેટે લીધી હતી. જો કે, ડ્રાઇવર ઘટનાસ્થળ પરથી ભાગી ચુક્યો હતો.